പാറശ്ശാല: ചാക്കിൽ കെട്ടിയ നിലയിൽ യുവാവിന്റെ മൃതദേഹം കണ്ടെത്തിയ സംഭവം, ആറയ്യൂരിനുസമീപത്ത് തെങ്ങിൻതോട്ടത്തിൽ യുവാവിന്റെ മൃതദേഹം ചാക്കിൽ കെട്ടിയനിലയിൽ കണ്ടെത്തിയ സംഭവത്തിൽ ഒരാൾ കൂടി അറസ്റ്റിലായി .
കൊലപാതക കേസിലെ നാലാം പ്രതിയും ആറയ്യൂർ സ്വദേശിയുമായ കടമ്പാട്ട് പുത്തൻവീട്ടിൽ പത്മാഗിരീഷ് (29) നെയാണ് പാറശ്ശാല പോലീസ് പിടികൂടിയത്. ആറയ്യൂർ സ്വദേശിയായ വിനുവിനെ കൊലപ്പെടുത്തിയശേഷം പ്രതിയായ ഷാജി വീടിനുള്ളിലെ രക്തക്കറ കഴുകിക്കളഞ്ഞ് തെളിവു നശിപ്പിക്കുന്നതിനായി ബന്ധുകൂടിയായ പത്മാഗിരീഷിനെ വിളിച്ചു വരുത്തിയെന്ന് പോലീസ് പറഞ്ഞു.
കൂടാതെ ഇയാൾ സംഭവദിവസവും അതിനടുത്ത ദിവസങ്ങളിലും ഇയാൾ ഷാജിയോടൊപ്പം കൊലപാതകം നടന്ന വീട്ടിൽ വന്നിട്ടുള്ളതായി പോലീസ് കണ്ടെത്തി . മൃതദേഹം കണ്ടെത്തിയശേഷം ഷാജിയോടൊപ്പം ഈയാളും ഒളിവിൽപ്പോവുകയായിരുന്നു. ഒളിവിൽ കഴിഞ്ഞുവന്ന പത്മഗിരീഷിനെ ആറയ്യൂരിലേക്കു വിളിച്ച ഫോൺകോൾ മുഖേനയാണ് പോലീസ് കണ്ടെത്തി പിടികൂടിയത് . കേസിലെ പ്രധാന പ്രതി ഷാജി ഇപ്പോഴും ഒളിവിലാണ്. ഇയാൾക്കുവേണ്ടിയുള്ള അന്വേഷണം ഊർജ്ജിതമാക്കിയിരിക്കുകയാണ് പോലീസ്.
Post Your Comments