യൂണിവേഴ്‌സിറ്റി റാങ്ക് ജേതാക്കളെ കേപ്പ് അനുമോദിക്കുന്നു.

കോ-ഓപ്പറേറ്റീവ് അക്കാഡമി ഓഫ് പ്രൊഫഷണല്‍ എഡ്യൂക്കേഷന്‍ (കേപ്പ്)ന്റെ കീഴിലുളള എഞ്ചിനീയറിംഗ് കോളേജുകളില്‍ പഠിച്ച് കഴിഞ്ഞ അദ്ധ്യയന വര്‍ഷം റാങ്ക് നേടിയ 28 വിദ്യാര്‍ത്ഥികളേയും കിടങ്ങൂര്‍ കോളേജിലെ മുന്‍ വിദ്യാര്‍ത്ഥിയും സിവില്‍ സര്‍വ്വീസ് റാങ്ക് ജേതാവുമായ ആര്യ ആര്‍ നായരേയും കേപ്പ് അനുമോദിക്കുന്നു. പ്ലസ് റ്റൂ വിന് 85% ത്തില്‍ കൂടുതല്‍ മാര്‍ക്കും വാര്‍ഷിക വരുമാനം 1 ലക്ഷത്തില്‍ അധികരിക്കാത്ത വിദ്യാര്‍ത്ഥികള്‍ക്ക് ക്വാട്ട വ്യത്യാസമില്ലാതെ വര്‍ഷം 15000 രൂപ സ്‌കോളര്‍ഷിപ്പിന്റെ പ്രഖ്യാപനവും സഹകരണ വകുപ്പ് മന്ത്രിയും കേപ്പിന്റെ വൈസ് ചെയര്‍മാനുമായ ശ്രീ കടകംപളളി സുരേന്ദ്രന്‍ ഉദ്ഘാടനം ചെയ്യും മെയ് 21 ന് രാവിലെ 9.00 മണിക്ക് തിരുവനന്തപുരം കോ-ബാങ്ക് ടവറിലുളള ആഡിറ്റേറിയത്തില്‍ വച്ച് ഉദ്ഘാടനം ചെയ്യും.

തുടര്‍ന്ന് ‘പുതിയ കാലത്തെ എഞ്ചിനീയറിംഗ് പഠന സാധ്യതകള്‍’ എന്ന വിഷയത്തെ ആസ്പതമാക്കി കുസാറ്റിലെ പ്ലെയിസ്‌മെന്റ് മുന്‍ ഡയറക്ടറര്‍ ഡോ എം ഭാസിയും ‘സിവില്‍ സര്‍വ്വീസ് പരീക്ഷയും കേരളത്തിന്റെ സാധ്യതകളും’ എന്ന വിഷയത്തെ ആസ്പതമാക്കി പ്രമുഖ സിവില്‍ സര്‍വ്വീസ് പരിശീലകന്‍ ശ്രീ സംഗീതും ക്ലാസുകള്‍ കൈകാര്യം ചെയ്യും.

പ്ലസ് ടു വിന് ഇപ്പോള്‍ പഠിച്ചുകൊണ്ടിരിക്കുന്നവര്‍ക്കും പ്ലസ് ടു കഴിഞ്ഞ വിദ്യാര്‍ത്ഥികള്‍ക്കും www.capekerala.org എന്ന വെബ്‌സൈറ്റില്‍ രജിസ്റ്റര്‍ ചെയ്ത് രക്ഷാകര്‍ത്താക്കളോടൊപ്പം പങ്കെടുക്കാവുന്നതാണ്. പ്രവേശനം സൗജന്യമാണ്. വിശദവിവരങ്ങള്‍ക്ക് 9207046450 എന്ന നമ്പരില്‍ ബന്ധപ്പെടാവുന്നതാണ്.