ലണ്ടന്‍: ഇംഗ്ലിഷ് പ്രീമിയര്‍ ലീഗും കാര്‍ബോ കപ്പും നേടിയ മാഞ്ചസ്റ്റര്‍ സിറ്റി സീസണിലെ മൂന്നാം കിരീടം ലക്ഷ്യമിട്ട് ഇന്നിറങ്ങും. ഏറ്റവും മികച്ച ഫോമിലാണ് സിറ്റി ഇറങ്ങുക. വാറ്റ്ഫോര്‍ഡാണ് സിറ്റിയുടെ എതിരാളികള്‍. സിറ്റിക്കാണ് വിജയസാധ്യതയെങ്കിലും വമ്പന്‍ ടീമുകളെ തോല്‍പ്പിച്ച മികച്ച റെക്കോഡും വാറ്റ്ഫോര്‍ഡിനുണ്ട്.
ഇംഗ്ലണ്ടില്‍ സീസണിലെ മൂന്നു കിരീടവും നേടുന്ന അപൂര്‍വ റെക്കോഡാണ് സിറ്റിയുടെ ലക്ഷ്യം. കാര്‍ബോ കപ്പും പ്രീമിയര്‍ ലീഗും സിറ്റി നേരത്തേ സ്വന്തമാക്കിയിരുന്നു. ഈ റെക്കോഡ് ഇതുവരെ ആരും സ്വന്തമാക്കിയിട്ടില്ല. ടീമിലെ ഓരോ താരങ്ങളും മികച്ച ആത്മവിശ്വാസത്തിലാണെന്നും സിറ്റി എഫ് എ കപ്പ് നേടുമെന്നും കോച്ച് പെപ്പ് ഗ്വാര്‍ഡിയോള ആത്മവിശ്വാസം പ്രകടിപ്പിച്ചു. വാറ്റ്ഫോര്‍ഡ് എഫ് എ കപ്പില്‍ ജയിക്കുന്ന പക്ഷം അടുത്തവര്‍ഷം നടക്കുന്ന യൂറോപ്പാ ലീഗിലേക്ക് നേരിട്ട് പ്രവേശനം ലഭിക്കും.
Post Your Comments