നോയിഡ : ശമ്പളം നല്‍കാമെന്ന് പറഞ്ഞ് വിളിച്ച് വരുത്തി യുവതിക്കെതിരെ പീഡനശ്രമം. ഇതില്‍ നിന്ന് രക്ഷപ്പെട്ടോടിയ യുവതിയെ നാലുപേര്‍ ചേര്‍ന്നു നടുറോട്ടില്‍ തല്ലിച്ചതച്ചു. നോളജ് പാര്‍ക്കിലെ വീനസ് യൂനിസെക്‌സ് സലൂണ്‍ ജീവനക്കാരിയെയാണ് ഉടമ വസീമും സുഹൃത്തുക്കളും ചേര്‍ന്ന് ക്രൂരമായി മര്‍ദിച്ചത്. യുവതിയെ മര്‍ദിക്കുന്ന ദൃശ്യം സമൂഹ മാധ്യമങ്ങളില്‍ വ്യാപകമായി പ്രചരിച്ചു.
ശനിയാഴ്ച വൈകിട്ടാണ് സംഭവം. ശമ്പളം നല്‍കാമെന്നറിയിച്ചതിനെത്തുടര്‍ന്നാണ് യുവതി സലൂണിലെത്തിയത്. മുമ്പ് ശമ്പളം ചോദിച്ചപ്പോഴൊക്കെ വസീം ശരീരിക ബന്ധത്തിനു നിര്‍ബന്ധിച്ചിരുന്നുവെന്നു യുവതി ആരോപിച്ചു. എന്നാല്‍ താന്‍ വിമുഖത കാട്ടിയതിനാല്‍ ഇത്തവണ അയാള്‍ കൂടുതല്‍ പ്രകോപിതനായെന്നും തുടര്‍ന്ന് വസീമിന്റെ സുഹൃത്ത് ഷേര പീഡിപ്പിക്കാന്‍ ശ്രമിച്ചതിനിടെ ഇറങ്ങി ഓടുകയായിരുന്നെന്നും യുവതി പറഞ്ഞു.
Shocking incident from Greater Noida area where a girl, in a viral video, is seen being beaten up and assaulted by a group of men with stick. @Uppolice Incident is from Knowledge Park Police Station area. pic.twitter.com/1s9tJFsCVs
— Bhartendu Sharma (@Bhar10duSharma) May 13, 2019
ഇറങ്ങി ഓടിയ യുവതിക്ക് പിന്നാലെ എത്തിയ സംഘം അവരെ മര്‍ദിക്കുകയായിരുന്നു. ഓടിക്കൂടിയ ആളുകള്‍ ചേര്‍ന്നാണ് യുവതിയെ രക്ഷിച്ചത്. പൊലീസില്‍ പരാതി നല്‍കിയെങ്കിലും കുറ്റവാളികളെ രക്ഷിക്കാനാണ് അവര്‍ ശ്രമിച്ചതെന്നും യുവതി പറഞ്ഞു. തിങ്കളാഴ്ച പരാതിയുമായി യുവതി ഉന്നത പൊലീസ് അധികാരികളെ സമീപിച്ചു. സലൂണ്‍ ഉടമയെ പൊലീസ് അറസ്റ്റ് ചെയ്തു.
Post Your Comments