നീരവ് മോദിയുടെ മൂന്നാം ജാമ്യാപേക്ഷ : ലണ്ടൻ കോടതിയുടെ തീരുമാനം ഇങ്ങനെ

ലണ്ടൻ : വായ്‌പ തട്ടിപ്പ് കേസിൽ രാജ്യം വിട്ട വജ്രവ്യാപാരി നീരവ് മോദിയുടെ മൂന്നാം ജാമ്യാപേക്ഷയും ലണ്ടനിലെ വെസ്റ്റ് മിൻസ്റ്റർ കോടതി തള്ളി. 28 ദിവസങ്ങൾക്കകം കേസില്‍ വീണ്ടും വാദം കേൾക്കും. മേയ് 30 ന് കോടതിയ്ക്ക് മുമ്പാകെ നീരവ് മോദി ഹാജരാകണം. ഏപ്രില്‍ 26 ന് നീരവ് മോദിയുടെ ജുഡീഷ്യല്‍ കസ്റ്റഡി കാലാവധി നീട്ടിയിരുന്നു.

മാർച്ച് 19നു മധ്യ ലണ്ടനിലെ ഒരു ബാങ്കിൽ ഒരു അക്കൗണ്ട് തുറക്കാൻ ശ്രമിക്കവെ നീരവ് മോദിയെ സ്കോട്ട്‍ലൻഡ് യാർഡ് പൊലീസ് അറസ്റ്റ് ചെയ്യുകയായിരിന്നു. എ​ന്‍​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് നീ​ര​വ്മോ​ദി​ക്കെ​തി​രേ സ​മ​ര്‍​പ്പി​ച്ച തി​രി​ച്ച​യ​യ്ക്ക​ല്‍ ഹ​ര്‍​ജി​യി​ല്‍ ല​ണ്ട​ന്‍ കോ​ട​തി വാ​റ​ന്‍റ് പു​റ​പ്പെ​ടു​വി​ച്ച​തി​നെ​ത്തു​ട​ര്‍​ന്നാ​യി​രു​ന്നു അ​റ​സ്റ്റ്.

മാര്‍ച്ച് 29 ന് ആദ്യത്തെ ജാമ്യാപേക്ഷ തള്ളിയത്. കഴിഞ്ഞ മാസം 26-നാണ് നീരവ് മോദിയുടെ രണ്ടാമത്തെ ജാമ്യാപേക്ഷ കോടതി തള്ളിയത്.