ബ്രസീലിയ: ബ്രസീലിലെ തിരക്കേറിയ പാതയിലൂടെ ഭീമന്‍ അനക്കോണ്ട ഒരു കൂസലും കൂടാതെ ഇഴഞ്ഞുനീങ്ങുന്ന കാഴ്ച കണ്ട് ഞെട്ടിയിരിക്കുകയാണ് സോഷ്യൽമീഡിയ. പോര്‍ട്ടോ വേലോ പട്ടണത്തിലെ ഹൈവെയിലൂടെ തിരക്കൊന്നും ഗൌനിക്കാതെ അനക്കോണ്ട ഇഴഞ്ഞുനീങ്ങുന്നതിന്റെ ദൃശ്യങ്ങള്‍ സമൂഹ്യ മാധ്യമങ്ങളില്‍ വൈറലായി കഴിഞ്ഞു. പത്ത് അടിയോളം നീളം വരുന്ന ഭീമന്‍ അനക്കോണ്ടയാണ് റോഡിലൂടെ ഇഴഞ്ഞു നീങ്ങിയത്.
ഹൈവെ മുറിച്ചുകടന്ന പാമ്ബ് സമീപത്തെ കുറ്റിക്കാടിനുള്ളിലേക്കാണ് കയറിപ്പോയത്. ജനവാസ കേന്ദ്രം കൂടിയാ‍യ നഗരപ്രദേശത്ത് അനക്കോണ്ടയെ കണ്ടതോടെ ആളുകള്‍ ആശങ്കയിലാണ്. ഭക്ഷണാവശിഷ്ടങ്ങള്‍ വീടിന് സമിപത്ത് ഉപേക്ഷിക്കരുത് എന്നും, വളര്‍ത്തുമൃഗങ്ങളെ ശ്രദ്ധിക്കണം എന്നും പ്രദേശിക അധികൃതര്‍ ജനങ്ങള്‍ക്ക് നിര്‍ദേശം നല്‍കിയിട്ടുണ്ട്. ഇരതേടിയാവാം അനക്കോണ്ട ജനവാസ കേന്ദ്രങ്ങളില്‍ എത്തിയത് എത്തിയത് എന്നാണ് കരുതുന്നത്.
Post Your Comments