കോഴിക്കോട്: ചാലപ്പുറത്തെ ഫ്‌ലാറ്റില്‍ തീപിടിത്തത്തിനു പിന്നില്‍ ഇന്‍ഡക്ഷന്‍ കുക്കര്‍. ചാലപ്പുറം ‘ലക്ഷ്മി’ അപ്പാര്‍ട്ട്മെന്റെിലെ സൂരജ് കുമാറിന്റെ ബി 10 ഫ്‌ലാറ്റിലെ അടുക്കളയിലാണ് കഴിഞ്ഞദിവസം തീപിടിത്തമുണ്ടായത്. ഇന്‍ഡക്ഷന്‍ കുക്കറിന്റെ കേബിള്‍ ഷോര്‍ട്ടായി തീപിടിച്ച് ഗ്യാസ് സിലിണ്ടറിന്റെ ട്യൂബിലേക്ക് പടരുകയുമായിരുന്നു. ഇന്‍ഡക്ഷന്‍ കുക്കര്‍ , മിക്സി, ഗ്യാസ് സിലിണ്ടറിന്റെ ട്യൂബ്, എന്നിവ പൂര്‍ണമായും കത്തിനശിച്ചു.
സൂരജ്കുമാറിന്റെ ഭാര്യയും കുഞ്ഞും മാത്രമായിരുന്നു ഫ്‌ളാറ്റില്‍ ഉണ്ടായിരുന്നത്. നാട്ടുകാരും ബീച്ച് ഫയര്‍സ്റ്റേഷന്‍ സ്റ്റേഷന്‍ ഓഫീസര്‍ പനോത്ത് അജിത് കുമാറിന്റെ നേതൃത്വത്തിലുള്ള രണ്ട് യൂണിറ്റ് ഫയര്‍ഫോഴ്സും എത്തിയാണ് തീയണച്ചത്.
Post Your Comments