മോദിക്കെതിരെയുള്ള തിരഞ്ഞെടുപ്പ് പെരുമാറ്റ ചട്ടലംഘനങ്ങളിൽ ഉടൻ തീരുമാനമെടുക്കണം: സുപ്രീം കോടതി

ന്യൂഡൽഹി•തിരഞ്ഞെടുപ്പ് റാലികൾക്കിടെ ബി.ജെ.പി നേതാക്കളായ നരേന്ദ്ര മോദിയും അമിത്ഷായും നടത്തിയ പെരുമാറ്റ ചട്ടലംഘനങ്ങളിൽ ഉടൻ തീരുമാനമെടുക്കാൻ നിർദ്ദേശിച്ച് സുപ്രീം കോടതി.തിങ്കളാഴ്ചക്കകം നടപടികൾ പൂർത്തിയാക്കണമെന്നാണ് തിരഞ്ഞെടുപ്പ് കമ്മീഷനോട് കോടതി ആവശ്യപ്പെട്ടിരിക്കുന്നത് .

തിരഞ്ഞെടുപ്പുമായി ബന്ധപ്പെട്ട പരാതികളിന്മേൽ നടപടിയെടുക്കാൻ കാലതാമസം നേരിടേണ്ടി വരുന്നു എന്ന കോൺഗ്രസ്സിന്റെ ഹർജിയിന്മേലാണ് കോടതി വിധി. കോണ്‍ഗ്രസ് എംപി സുസ്മിതാ ദേവാണ് ഹർജി നൽകിയത്. പുൽവാമയിൽ മരിച്ച സൈനികരുടെ പേരിൽ കന്നിവോട്ടർമാർ വോട്ട് ചെയ്യണം എന്നായിരുന്നു പ്രധാനമന്ത്രിയുടെ പ്രസ്താവന.