ന്യൂഡൽഹി : മുന്‍ ആന്ധ്ര ഗവര്‍ണറും മുതിര്‍ന്ന കോണ്‍ഗ്രസ് നേതാവുമായ എന്‍.ഡി. തിവാരിയുടെ മകന്‍ രോഹിത് തിവാരിയുടെ കൊലപാതകത്തിൽ ഭാര്യ അപൂർവ ശുക്ല അറസ്റ്റിലായി. കൊലപാതകത്തിൽ അപൂർവയെ തന്നെയാണ് പോലീസ് ആദ്യംമുതൽ സംശയിച്ചിരുന്നു.
സംശയത്തെ തുടർന്ന് ഇക്കഴിഞ്ഞ ഞായറാഴ്ച അപൂര്‍വയെയും രണ്ട് വീട്ടുജോലിക്കാരെയും പോലീസ് കസ്റ്റഡിയിൽ എടുത്തിരുന്നു. 8 മണിക്കൂറോളം ഇവരെ ചോദ്യം ചെയ്യുകയും ചെയ്തിരുന്നു.രോഹിതിന്റെ മാതാവ് അപൂർവയ്‌ക്കെതിരെ മൊഴി നൽകിയിരുന്നു.ഇതും കേസിന് വഴിത്തിരിവായി.
ഇക്കഴിഞ്ഞ ഏപ്രിൽ 16നായിരുന്നു രോഹിതിന്റെ മരണം. ഹൃദയാഘാതത്തെ തുടർന്നാണ് മരണമെന്നാണ് ആദ്യം വന്ന റിപ്പോർട്ടുകൾ. എന്നാൽ തുടക്കം മുതൽ തന്നെ ഇക്കാര്യത്തിൽ സംശയം ഉയർന്നിരുന്നു. പിന്നീട് പോസ്റ്റ്മോർട്ടം റിപ്പോർട്ട് വന്നപ്പോൾ മരണം കൊലപാതകം തന്നെയാണെന്ന് പൊലീസ് സ്ഥിരീകരിക്കുകയായിരുന്നു. തലയിണ കൊണ്ട് മുഖം അമർത്തിപ്പിടിച്ച് ശ്വാസം മുട്ടിച്ച് കൊലപ്പെടുത്തിയെന്നായിരുന്നു റിപ്പോർട്ട്.
Post Your Comments