ടിക്കറ്റ് ചാര്‍ജില്‍ വന്‍ ഡിസ്‌കൗണ്ടുമായി എയര്‍ ഏഷ്യ

കൊച്ചി: എയര്‍ ഏഷ്യയില്‍ വന്‍ ഇളവ്. രാജ്യത്തെ വിവിധ നഗരങ്ങളില്‍ നിന്ന് കുലാലംപുര്‍, ബോങ്കോക് എന്നിവിടങ്ങളിലേക്കുള്ള ടിക്കറ്റ് ചാര്‍ജില്‍ എയര്‍ ഏഷ്യ 70 ശതമാനം വരെ പ്രത്യേക ഡിസ്‌കൗണ്ട് നിരക്ക് പ്രഖ്യാപിച്ചു. 2019 ഒക്ടോബര്‍ 1 മുതല്‍ 2020 ജൂണ്‍ 2 വരെയുള്ള യാത്രയ്ക്കാണ് ഓഫര്‍. കൊച്ചി, ബംഗളൂരു, ഭുവനേശ്വര്‍, കൊല്‍ക്കത്ത, ചെന്നൈ, ട്രിച്ചി, വിശാഖപട്ടണം, ഡല്‍ഹി, ജയ്പൂര്‍, അഹമ്മദാബാദ്, അമൃത്സര്‍, ഹൈദരാബാദ് എന്നിവിടങ്ങളില്‍ നിന്നുള്ള യാത്രയ്ക്കാണ് നിരക്കിളവ്. അതേസമയം തിങ്കളാഴ്ച ആരംഭിച്ച സൗജന്യ നിരക്കിലുള്ള ടിക്കറ്റ് വില്‍പ്പന 28ന് അവസാനിക്കും.