ബാഴ്‌സലോണ: അത്ലറ്റികോയെ എതിരില്ലാത്ത രണ്ടു ഗോളുകള്‍ക്ക് പരാജയപ്പെടുത്തി ബാഴ്‌സലോണ കിരീടം ഉറപ്പിച്ചു. ലാലിഗയില്‍ ബാഴ്‌സലോണ 11 പോയിന്റിന്റെ ലീഡാണ് സ്വന്തമാക്കിയത്. റഫറിയെ അസഭ്യം പറഞ്ഞതിന് 27 ാം മിനിറ്റില്‍ ചുവപ്പ് കാര്‍ഡ് കണ്ട് ഡിയാഗോ കോസ്റ്റ പുറത്തുപോയതാണ് അത്ലറ്റിക്കോയ്ക്കു വിനയായത്.
പിന്നീട് 10 പേരുമായിട്ടായിരുന്നു കളി. എന്നിട്ടും അത്ലറ്റികോ കളിതീരാന്‍ അഞ്ച് മിനിറ്റ് ശേഷിക്കുന്നതുവരെ ബാഴ്‌സയെ പിടിച്ചുനിര്‍ത്തി. അത്ലറ്റികോയുടെ ഗോള്‍ കീപ്പര്‍ ജാന്‍ ഒബ്ലാക്കിന്റെ സേവുകളാണ് ബാഴ്‌സയെ അവസാന നിമിഷംവരെ തടഞ്ഞുനിര്‍ത്തിയത്. എന്നാല്‍ 85 ാം മിനിറ്റില്‍ ബോക്‌സിനു പുറത്തുനിന്നുള്ള സുവാരസിന്റെ അളന്നുതൂക്കിയുള്ള ലോംഗ് ഷോട്ട് ഒബ്ലാക്കിനെ പരാജയപ്പെടുത്തി. തൊട്ടടുത്ത മിനിറ്റില്‍ മെസിയും ലക്ഷ്യം കണ്ടു. ബോക്‌സിനുള്ളില്‍ രണ്ട് പ്രതിരോധ താരങ്ങളെ ഭംഗിയായി ഒഴിവാക്കിയ മെസി പന്ത് കട്ട് ചെയ്ത് വലയിലാക്കി.
Post Your Comments