ബ്യൂണസ് ഐറിസ്: കോപ്പ അമേരിക്കയില്‍ ലിയോണല്‍ മെസി കളിക്കും. ജൂണില്‍ ബ്രസീലില്‍ നടക്കുന്ന കോപ്പ അമേരിക്കയില്‍ മെസി കളിക്കുമെന്ന് അര്‍ജന്റീന കോച്ച് ലിയോണല്‍ സ്‌കലോണി.
1993ന് ശേഷം കോപ്പ അമേരിക്കയില്‍ അര്‍ജന്റിന ചാമ്പ്യന്‍മാരായിട്ടില്ല. മെസിയുടെ മികവില്‍ അര്‍ജന്റീന കോപ്പ അമേരിക്ക നേടുമെന്നാണ് പ്രതീക്ഷ. ഈ നിമിഷത്തിനായി ആരാധകര്‍ കാത്തിരിക്കുകയാണെന്നും അര്‍ജന്റീനന്‍ കോച്ച് പറഞ്ഞു.
ജൂണ്‍ പതിനാലിനാണ് കോപ്പ അമേരിക്കയ്ക്ക് തുടക്കമാവുക. റഷ്യന്‍ ലോകകപ്പിന് ശേഷം ദേശീയ ടീമില്‍ നിന്ന് വിട്ടുനിന്ന മെസി വെനസ്വേലക്കെതിരായ സൗഹൃദമത്സരത്തോടെയാണ് തിരിച്ചെത്തിയത്.
Post Your Comments