പ്രമുഖ പാര അത്‌ലറ്റ് ദീപ മാലിക് ബിജെപിയിലേക്ക്. ബിജെപി ഹരിയാന ഘടകത്തിന്റെ നേതാക്കളുടെ സാന്നിധ്യത്തിലായിരുന്നു ദീപയുടെ ബിജെപി പ്രവേശനം. ലോക്‌സഭാതെരഞ്ഞെടുപ്പില്‍ ദീപ സ്ഥാനാര്‍ത്ഥിയാകുമെന്നാണ് റിപ്പോര്‍ട്ട്.
ഭിന്നശേഷിയുള്ളവര്‍ക്കായുള്ള ഗെയിംസില്‍ മെഡല്‍ നേടുന്ന ആദ്യ ഇന്ത്യന്‍ വനിതയാണ് ദീപ. ദീപയുടെ സാന്നിധ്യം പാര്‍ട്ടിയെ ശക്തമാക്കുമെന്ന് ഹരിയാന യൂണിറ്റ് ചീഫ് സുഭാഷ് ബരാല, ജനറല്‍ സെക്രട്ടറി അനില്‍ ജെയ്ന്‍ തുടങ്ങിയവര്‍ പ്രതികരിച്ചു.
അവരെ പാര്‍ട്ടിയിലേക്ക് സ്വാഗതം ചെയ്യുന്നു. എല്ലാവര്‍ക്കും പ്രചോദനമാണ് ദീപയെന്നും രാജ്യത്തിന്റെ അഭിമാനം അവര്‍ ഉയര്‍ത്തിയെന്നും ജയിന്‍ പറഞ്ഞു. ലോക്‌സഭാ തെരഞ്ഞെടുപ്പില്‍ ഹരിയാനയില്‍ സ്ഥാനാര്‍ഥികളെ ഇതുവരെ ബിജെപി പ്രഖ്യാപിച്ചിട്ടില്ല. എന്തായാലും ദീപ മാലിക്കിന് ഒരു സീറ്റ് ഉറപ്പാണെന്നാണ് പാര്‍ട്ടി വ്യക്തങ്ങള്‍ നല്‍കുന്ന സൂചന.
Post Your Comments