റിയാദ്: വിദേശ തീര്‍ത്ഥാടകര്‍ക്ക് ഹജ്ജ്, ഉംറ വിസകള്‍ ഇനി ഓൺലൈൻ വഴി. സൗദി ഹജ്ജ് ഉംറ മന്ത്രാലയമാണ് ഇക്കാര്യം അറിയിച്ചത്. വിദേശകാര്യ മന്ത്രാലയവുമായി സഹകരിച്ചാണ് പുതിയ സംവിധാനം ഏര്‍പ്പെടുത്തുന്നത്. ഇതോടെ ലോകത്ത് എവിടെ നിന്നും ആര്‍ക്കും ഹജ്ജ് ഉംറ വിസയ്ക്ക് നേരിട്ട് അപേക്ഷിക്കാം.
ആവശ്യമായ വിവരങ്ങള്‍ ഓണ്‍ലൈന്‍ വഴി നല്‍കിയാല്‍ നിമിഷങ്ങള്‍ക്കകം വിസ ലഭിക്കുന്നതാണ്. വിസയ്ക്കായി ഇനി വിദേശ എംബസിയെയോ ഏജന്‍സിയെയോ സമീപിക്കേണ്ടതില്ല. സൗദി ഹജ്ജ്, ഉംറ മന്ത്രാലയത്തിന്റെ പോര്‍ട്ടലില്‍ ലഭ്യമായ സേവനങ്ങളും സൗദിയില്‍ സേവനം ചെയ്യുന്ന സ്ഥാപനവും തീര്‍ത്ഥാടകര്‍ക്ക് തിരഞ്ഞെടുക്കാന്‍ സാധിക്കും.
Post Your Comments