ഒന്നിച്ചുള്ള ഓര്‍മകള്‍ വീഡിയോയില്‍ പകര്‍ത്തി മാത്തുകുട്ടിക്ക് പിറന്നാള്‍ ആശംസകള്‍ നേര്‍ന്ന് രാജ് കലേഷ്. സമൂഹമാധ്യമത്തിലൂടെയാണ് ആശംസ അറിയിച്ചത്. മാത്തുകുട്ടി എന്ന പേരില്‍ പ്രശസ്തനായ അരുണ്‍ മാത്യുവും രാജ് കലേഷും മഴവില്‍ മനോരമയില്‍ സംപ്രേഷണം ചെയ്യുന്ന ഉടന്‍ പണത്തിന്റെ അവതാരകരാണ്.
ഒന്നിച്ചുള്ള ഓര്‍മകള്‍ പങ്കുവച്ച വിഡിയോയില്‍ മാത്തുകുട്ടിയെ തന്റെ നല്ല പാതിയെന്നാണു കലേഷ് വിശേഷിപ്പിച്ചത്. ”മുപ്പത്തിയെട്ടാം പിറന്നാള്‍ ആഘോഷിക്കുന്ന മാത്തുകുട്ടിക്ക് എന്റെ ഹൃദയം നിറഞ്ഞ ജന്മദിനാശംസകള്‍. മാത്തുവും കല്ലുവും എന്നാണ് ഇപ്പോള്‍ എല്ലാവരും പറയുന്നത്. ഉടന്‍ പണം എന്ന ഷോയിലൂടെയാണ് ശരിക്കും ഈ ജോഡി ഹിറ്റായത്. അതിനുശേഷം ഒരുപാട് യാത്ര ചെയ്തു. ‘യൂറോപ്പില്‍ പറന്ന് പറന്ന് പറന്ന്’ എന്ന ഷോ ചെയ്തു. ശരിക്കും നല്ല പാതി എന്നു പറയുന്നത് ഭാര്യമാരെയാണ്. പക്ഷേ, മാത്തുവും കല്ലുവും ഇപ്പോള്‍ നല്ല പാതി ആയിരിക്കുകയാണ്. ഈ അവസരത്തില്‍ മാത്തുവിന് ജന്മദിനാശംസകള്‍ നേരുന്നു. ചക്കരേ ഉമ്മ” കലേഷ് പറഞ്ഞു. ഫെബ്രുവരി 27ന് ആയിരുന്നു മാത്തുകുട്ടിയുടെ ജന്മദിനം.
Post Your Comments