ഒരേ സ്ഥലത്ത് തീപിടിത്തലും കാര്‍ അപകടവും : ഡ്രൈവര്‍ അത്ഭുതകരമായി രക്ഷപ്പെട്ടു

കോട്ടയം : ഒരേ സ്ഥലത്ത് തീപിടിത്തലും കാര്‍ അപകടവും , ഡ്രൈവര്‍ അത്ഭുതകരമായി രക്ഷപ്പെട്ടു. പൈക്കാട് ഭാഗത്താണ് റബര്‍തോട്ടത്തില്‍ തീപിടിത്തവും വാഹനാപകടവും ഉണ്ടായത്. ഇന്നലെ വൈകിട്ടാണ് 2 സംഭവങ്ങളും. സെന്റ് സെബാസ്റ്റ്യന്‍സ് പള്ളിയുടെ സെമിത്തേരിക്കു സമീപത്തെ പുരയിടിത്തിലാണ് വൈകിട്ട് അഞ്ചോടെ തീ പടര്‍ന്നത്. പാലായില്‍ നിന്നെത്തിയ അഗ്‌നിശമന സേന തീയണക്കുന്നതിനിടെ കോഴാ-പാലാ റോഡില്‍ കാര്‍ 30 അടി താഴ്ചയിലേക്കു മറിഞ്ഞു. ഡ്രൈവര്‍ അദ്ഭുതകരമായി രക്ഷപ്പെട്ടു. പാലാ ഭാഗത്തു നിന്നു കുറവിലങ്ങാട് ഭാഗത്തേക്കു വരികയായിരുന്ന കാറാണ് നിയന്ത്രണം വിട്ടു താഴ്ചയിലേക്കു മറിഞ്ഞത്. കാടു പിടിച്ചു കിടക്കുന്ന സ്ഥലത്തു കൂടി കരണം മറിഞ്ഞ കാര്‍ മുപ്പതിലേറെ അടി താഴ്ചയിലെത്തി നില്‍ക്കുകയായിരുന്നു. ശബ്ദം കേട്ട് നാട്ടുകാര്‍ ഓടിയെത്തിയെങ്കിലും വാഹനം ഓടിച്ചിരുന്ന യുവാവ് പരുക്കേല്‍ക്കാതെ രക്ഷപ്പെട്ടിരുന്നു