തിരുവനന്തപുരം: വാഹനങ്ങളിൽ അമിത പ്രകാശമുള്ള ഹെഡ് ലൈറ്റുകള ഉപയോഗിക്കുന്ന വാഹനങ്ങള്‍ക്കെതിരെ ശക്തമായ നടപടിക്കൊരുങ്ങി സംസ്ഥാന മോട്ടോര്‍ വാഹന വകുപ്പ്. ഇങ്ങനെ ചെയ്യുന്ന വാഹനങ്ങളുടെ രജിസ്ട്രേഷന്‍ സര്‍ട്ടിഫിക്കറ്റ് റദ്ദു ചെയ്യുകയും വാഹനം ഓടിച്ചയാളുടെ ഡ്രൈവിങ് ലൈസന്‍സ് സസ്പെന്‍ഡ് ചെയ്യുന്നതുള്‍പ്പടെയുള്ള നടപടികള്‍ സ്വീകരിക്കുമെന്ന് മോട്ടോര്‍ വാഹന വകുപ്പ് മുന്നറിയിപ്പ് നൽകി.
രാത്രിയില്‍ എതിര്‍ ദിശയില്‍ വാഹനം വരുമ്ബോള്‍ ലൈറ്റ് ഡിം ചെയ്യണമെന്നാണ് മോട്ടോര്‍ വാഹന വകുപ്പ് ചട്ടം. എന്നാല്‍ ഇത് പലപ്പോഴും പാലിക്കപ്പെടുന്നില്ല. എതിര്‍ ദിശയില്‍ നിന്ന് വാഹനത്തിന്റെ പ്രകാശം നേരെ കണ്ണിലേക്ക് അടിക്കുമ്ബോള്‍ വാഹനമോടിക്കുന്നവര്‍ക്ക് റോഡ് കാണാനാവാതെ വരികയും ഇത് അപകടങ്ങള്‍ക്ക് കാരണമാവുകയും ചെയ്യുന്നു. ബ്രൈറ്റ് ലൈറ്റിനാല്‍ ഉണ്ടാകുന്ന അപകടങ്ങള്‍ ദിനംപ്രതി കൂടി വരികയാണ്.
Post Your Comments