കുടുംബ വഴക്കിനെ തുടര്‍ന്ന് മകന്‍ ആത്മഹത്യ ചെയ്തു: പിന്നാലെ അമ്മയും

ത​ല​ശേ​രി: കുടുംബ വഴക്കില്‍ മനംനൊന്ത് മ​ക​ൻ ആ​ത്മ​ഹ​ത്യ ചെയ്തു. മകന്‍റെ മരണം താങ്ങാനാവാതെ അതിനു പിന്നാലെ അമ്മയും ജീവനൊടുക്കി. ത​ല​ശേ​രി വ​ട​ക്കു​മ്പാ​ട് ഹ​യ​ർ സെ​ക്ക​ൻ​ഡ​റി സ്കൂ​ളി​നു സ​മീ​പം എ​നി​ക്കോ​ൾ റോ​ഡി​ൽ ഹ​ർ​ഷ നി​വാ​സി​ൽ ര​വി​യു​ടെ ഭാ​ര്യ ബി​ന്ദു​(45) ആണ് മകന്‍റെ മരണം താങ്ങാനാവാതെ ജീവനൊടുക്കിയത്. ഇന്ന് പു​ല​ർ​ച്ചെ 2.45 ഓ​ടെ വീ​ട്ടി​ൽ നി​ന്നും 200 മീ​റ്റ​ർ അ​ക​ലെ സ്വ​കാ​ര്യ വ്യ​ക്തി​യു​ടെ പ​റ​മ്പി​ലെ കി​ണ​റ്റി​ല്‍ ബിന്ദുവിനെ മരിച്ച നിലയില്‍ കണ്ടെത്തുകയായിരുന്നു.

മാതാപിതാക്കള്‍ തമ്മിലുള്ള കലഹത്തില്‍ മനംനൊന്താണ് പതിനെട്ടുകാരനായ ബി​ന്ദു​വി​ന്‍റെ മ​ക​ൻ അ​ഭി​ൻ രാ​ജ് വീ​ട്ടി​നു​ള്ളി​ൽ തൂ​ങ്ങി മ​രിച്ചത്. ഫെബ്രുവരി 5 ആയിരുന്നു അഭിന്‍റെ മരണം. മ​ക​ൻ മ​രി​ച്ച​തി​ന്‍റെ അ​ഞ്ചാം ദി​ന​ത്തി​ലാ​ണ് അ​മ്മ ജീ​വ​നൊ​ടു​ക്കി​യ​ത്. ക​ണ്ണൂ​ർ ഐ​ടി​ഐ വി​ദ്യാ​ർ​ഥി​യാ​യി​രു​ന്നു അ​ഭി​ൻ രാ​ജ്. അ​ഭി​ൻ​രാ​ജ് മ​രി​ക്കു​ന്ന​തി​ന് മൂ​ന്ന് ദി​വ​സം മു​മ്പ് മാ​താ​പി​താ​ക്ക​ളാ​യ ര​വി​യും ബി​ന്ദു​വും ത​മ്മി​ൽ സം​ഘ​ർ​ഷ​മു​ണ്ടി. തുടര്‍ന്ന് ഇ​രു​വ​ർ​ക്കും പ​രി​ക്കേ​റ്റിരുന്നു. എന്നാല്‍ സം​ഭ​വ​ത്തി​നു ശേ​ഷം ര​വി വീ​ട്ടി​ൽ വ​ന്നി​രു​ന്നി​ല്ല.

എന്നാല്‍ അഭിന്‍ മരിച്ചതോടെ നാട്ടുകാരുടെ മധ്യസ്ഥതയില്‍ ദന്പതികള്‍ക്കിടയില്‍ പ്രശ്ന പരിഹാരത്തിന് ശ്രമിച്ചിരുന്നു. ഇതിനിടെയാണ് ബിന്ദുവും മരിച്ചത്.

അ​ർ​ദ്ധ രാ​ത്രി​യി​ൽ ബി​ന്ദു​വി​നെ കി​ട​പ്പു​മു​റി​യി​ൽ കാ​ണാ​താ​യ​തി​നെ തു​ട​ർ​ന്ന് വീ​ട്ടു​കാ​രും അ​യ​ൽ​വാ​സി​ക​ളും ന​ട​ത്തി​യ തെര​ച്ചി​ലി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്. ത​ല​ശേ​രി​യി​ൽ നി​ന്നും ഫ​യ​ർ ഫോ​ഴ്സ് എ​ത്തി​ മൃതദേഹം പുറത്തെടുത്തു.