തിരുവനന്തപുരം: മറ്റു സംസ്ഥാനങ്ങളില്‍ നിന്ന് ബിജെപിക്ക് കേരളത്തെ വ്യത്യസ്തമാക്കുന്നത് ഇവിടത്തെ ഇടതുപക്ഷമാണെന്ന് വ്യക്തമാക്കി മുഖ്യമന്ത്രി പിണറായി വിജയൻ. ബിജെപിയുടെ എതിരാളികള്‍ ഇടതുപക്ഷമാണെന്ന തോന്നല്‍ ജനങ്ങളില്‍ ഉണ്ടെന്നും അതിനാല്‍ ന്യൂനപക്ഷം എല്‍ഡിഎഫിനെ പിന്തുണയ്ക്കുമെന്നും അദ്ദേഹം പറയുകയുണ്ടായി. ബിജെപി അധികാരത്തില്‍ വരാതിരിക്കുക എന്നതാണ് പ്രധാനം. ജനങ്ങള്‍ക്ക് സിപിഎമ്മില്‍ വിശ്വാസമുണ്ട്. അതിനാല്‍ കൂടെ നില്‍ക്കുന്ന ജനങ്ങള്‍ എന്നും ഉണ്ടാകുമെന്നും പിണറായി പറഞ്ഞു.
ന്യൂനപക്ഷ വിഭാഗങ്ങളെ പ്രതിനിധീകരിച്ചു കൊണ്ട് ചില പാര്‍ട്ടികള്‍ ഇടതുപക്ഷത്തെ എതിര്‍ക്കുന്നുണ്ട്. എന്നാല്‍, അവര്‍ ദുര്‍ബലരായിക്കൊണ്ടിരിക്കുകയാണ്. അത് ഇടതുപക്ഷത്തെ ശക്തിപ്പെടുത്തും. മധ്യപ്രദേശില്‍ ഗോഹത്യയുടെ പേരില്‍ ദേശീയ സുരക്ഷാ നിയമം നടപ്പിലാക്കാനുള്ള കോണ്‍ഗ്രസ്സിന്റെ ശ്രമം മതനിരപേക്ഷത തകര്‍ക്കുന്ന ഒന്നാണെന്നും കോണ്‍ഗ്രസ് പോലൊരു പാര്‍ട്ടി സംഘപരിവാറിനെപ്പോലെ പെരുമാറുന്നത് അംഗീകരിക്കാനാവില്ലെന്നും പിണറായി കൂട്ടിച്ചേര്‍ത്തു.
Post Your Comments