കുഞ്ഞനന്തന്റെ പരോള്‍: വിമര്‍ശനവുമായി വീണ്ടും ഹൈക്കോടതി

കൊച്ചി: ടി.പി ചന്ദ്രശേഖരന്‍ വധക്കേസിലെ 13-ാം പ്രതി കുഞ്ഞനന്തന്റെ പരോള്‍ ഹര്‍ജിയില്‍ വീണ്ടും ഹൈക്കോടതിയുടെ വിമര്‍ശനം. കുഞ്ഞനന്തനു ചികിത്സ നടത്താന്‍ പ​രോ​ളി​ന്‍റെ ആ​വ​ശ്യ​മി​ല്ലെ​ന്ന് കോടതി പറഞ്ഞു. അതേസമയം പ്രതിയുടെ സഹായത്തിനായി സ്ഥി​രം ആ​ളു​ക​ളെ ആ​വ​ശ്യമാണെങ്കില്‍ ബു​ധ​നാ​ഴ്ച കോടതിയെ അറിയിക്കാനും കു​ഞ്ഞ​ന​ന്ത​ന്‍റെ അ​ഭി​ഭാ​ഷ​കന് നിര്‍ദ്ദേശം നല്‍കി. കൂടാതെ കു​ഞ്ഞ​ന​ന്ത​ന്‍റെ ചി​കി​ത്സ പൂ​ർ​ത്തി​യാ​ക്കാ​ൻ എ​ത്ര​കാ​ലം വേ​ണ്ടി​വ​രു​മെ​ന്ന് അ​റി​യി​ക്കാ​നും കോ​ട​തി നി​ർ​ദേ​ശി​ച്ചു.

ച​ന്ദ്ര​ശേ​ഖ​ര​ൻ വ​ധ​കേ​സി​ലെ ജീ​വ​പ​ര്യ​ന്തം ത​ട​വ് ശി​ക്ഷ മ​ര​വി​പ്പി​ച്ച് ജാ​മ്യം ന​ൽ​ക​ണ​മെ​ന്നാ​വ​ശ്യ​പ്പെ​ട്ടാണ്  കു​ഞ്ഞ​ന​ന്ത​ൻ ഹൈക്കോടതിയില്‍ ഹര്‍ജി നല്‍കിയത്. അതേസമയം കു​ഞ്ഞ​ന​ന്ത​നാ​യി ഹാ​ജ​രാ​യ സ​ർ​ക്കാ​ർ അ​ഭി​ഭാ​ഷ​ക​നേയും വാദത്തിനിടെ ഹൈക്കോടതി രൂക്ഷമായി വിമര്‍ശിച്ചു. കു​ഞ്ഞ​ന​ന്ത​ൻ പ​രോ​ളി​ലി​റ​ങ്ങി പാ​ർ​ട്ടി പ​രി​പാ​ടി​ക​ളി​ൽ പ​ങ്കെ​ടു​ക്കു​ന്ന​തി​ൽ എ​ന്താ​ണ് തെ​റ്റെ​ന്ന ​ർ അ​ഭി​ഭാ​ഷ​ക​ന്‍റെ വാ​ദ​മാണ് കോടതിയെ ചൊടിപ്പിച്ചത്. സ്വ​ന്തം രാ​ഷ്ട്രീ​യം കോ​ട​തി​യി​ൽ എ​ടു​ക്ക​രു​തെ​ന്നാ​യി​രു​ന്നു വിമര്‍ശനം.