കണ്ണൂര്‍: ഏഴുവയസുകാരിയെ മദ്യം നല്‍കി പീഡിപ്പിച്ച അമ്മയുടെ കാമുകൻ ഒളിവിൽ. പ്രതിയായ ശ്രീകണ്ഠപുരം സ്വദേശി ഉണ്ണികൃഷ്ണനെതിരെ പോക്സോ നിയമപ്രകാരം പോലീസ് കേസെടുത്തു. പോലീസ് കേസെടുത്തതോടെ പ്രതി ഉണ്ണികൃഷ്ണന്‍ ഒളിവില്‍ പോയി. കഴിഞ്ഞ മാസമാണ് സംഭവം നടന്നത്.
കാമുകിയുടെ വീട്ടിൽ രാത്രിയിൽ എത്തിയ പ്രതി കാമുകിയെയും കുട്ടിയേയും കാറിൽ കയറ്റി കൊണ്ടുപോവുകയായിരുന്നു. ബന്ധുവീട്ടിലേക്കെന്ന് പറഞ്ഞാണ് കുട്ടിയെ കൊണ്ടുപോയത്. തുടര്‍ന്ന് മദ്യം നല്‍കി മയക്കി പീഡിപ്പിച്ചതായാണ് പരാതി. അമ്മയും മദ്യലഹരിയിലായിരുന്നുവെന്ന് പെണ്‍കുട്ടി പരാതിയില്‍ പറയുന്നു.
അമ്മയുടെ സുഹൃത്താണെന്നും പുറത്തു പറഞ്ഞാല്‍ കൊന്നുകളയുമെന്ന് ഭീഷണിപ്പെടുത്തിയതിനാല്‍ കുട്ടി ആരോടും പറഞ്ഞിരുന്നില്ല. എന്നാൽ കഴിഞ്ഞ ദിവസം അധ്യാപികയോട് പെണ്‍കുട്ടി സംഭവം പറഞ്ഞു. തുടര്‍ന്ന് സ്കൂള്‍ അധികൃതര്‍ ചൈല്‍ഡ് ലൈനില്‍ അറിയിക്കുകയായിരുന്നു. ഇവരുടെ നിര്‍ദ്ദേശ പ്രകാരമാണ് പോലീസ് കേസെടുത്തത്. പ്രതിക്കുവേണ്ടിയുള്ള അന്വേഷണം പോലീസ് ഊര്‍ജിതമാക്കി.
Post Your Comments