പൃഥ്വിരാജ്-ബിജു മേനോന്‍ ഹിറ്റ് കൂട്ടുകെട്ടില്‍ പുതിയ ചിത്രം ഒരുങ്ങുന്നു. 2015ല്‍ ഇരുവരും ഒന്നിച്ച ചിത്രം’അനാര്‍ക്കലി’യുടെ സംവിധായകന്‍ സച്ചി ഒരുക്കുന്ന അടുത്ത ചിത്രത്തിലാണ് പൃഥ്വി-ബിജു മേനോന്‍ സഖ്യം വീണ്ടും പ്രേക്ഷകകര്‍ക്ക് മുന്നില്‍ എത്തുന്നത്. നാല് വര്‍ഷത്തെ ഇടവേളയ്ക്ക് ശേഷമാണ് ഈ ഹിറ്റ് കൂട്ട്‌കെട്ട് വീണ്ടും ഒന്നിക്കുന്നത്. ലക്ഷദ്വീപിന്റെ പശ്ചാത്തലത്തില്‍ ഒരു പ്രണയകഥ പറഞ്ഞ ചിത്രത്തില്‍ പൃഥ്വി-ബിജു കൂട്ടുകെട്ട് ഏറെ പ്രശംസ പിടിച്ചു പറ്റിയിരുന്നു.
‘അയ്യപ്പനും കോശിയും’ എന്ന് പേരിട്ടിരിക്കുന്ന ചിത്രത്തില്‍ പ്രധാന കഥാപാത്രങ്ങളെയാണ് ഇരുവരും അവതരിപ്പിക്കുന്നത്. ചിത്രത്തിന്റെ കൂടുതല്‍ വിവരങ്ങള്‍ പുറത്തു വിട്ടിട്ടില്ലെങ്കിലും, ഇരുവരുടെയും നിലവില്‍ നടന്നു കൊണ്ടിരിക്കുന്ന ചിത്രീകരണങ്ങള്‍ക്ക് ശേഷം സച്ചിയുടെ ടീമില്‍ താരങ്ങള്‍ അഭിനയിക്കുന്നതാണ്.
നയനാണ് തിയേറ്ററില്‍ എത്താനിരിക്കുന്ന പൃഥ്വിയുടെ പുതിയ ചിത്രം. പൃഥ്വിരാജ് സംവിധാനം ചെയ്യുന്ന മോഹന്‍ലാല്‍ ചിത്രം ലൂസിഫര്‍ മാര്‍ച്ച് അവസാനം തിയേറ്ററുകളില്‍ എത്തും. ചിത്രത്തിന്റെ ഷൂട്ടിംഗ് പൂര്‍ത്തിയായി. പൊളിറ്റിക്കല്‍ ത്രില്ലര്‍ ഗണത്തില്‍ പെടുന്ന ചിത്രത്തില്‍ സ്റ്റീഫന്‍ നെടുമ്പിള്ളി എന്ന രാഷ്ട്രീയ പ്രവര്‍ത്തകനെയാണ് മോഹന്‍ലാല്‍ അവതരിപ്പിക്കുക. വലിയ മുതല്‍ മുടക്കില്‍ ഒരുങ്ങുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് മുരളി ഗോപിയാണ്.ലൂസിഫറിന് ശേഷം, ബ്ലെസിയുടെ ആടുജീവിതമാണ് താരം അഭിനയിക്കുന്ന അടുത്ത ചിത്രം. നാദിര്‍ഷയുടെ ‘മേരാ നാം ഷാജി’യാണ് ബിജു മേനോന്റേതായി പുറത്തിറങ്ങാനിരിക്കുന്ന അടുത്ത ചിത്രം.
Post Your Comments