ലാഭം കൂടിയാലും പ്രശ്‌നമാണ് : കെഎസ്ആര്‍ടിസിയെ രക്ഷിക്കാന്‍ അവതരിച്ച ദേവദൂതനായിരുന്നു ടോമിന്‍ തച്ചങ്കരി -അഡ്വ-എ ജയശങ്കര്‍

കെഎസ്ആർടിസിയെ രക്ഷിക്കാൻ അവതരിച്ച ദേവദൂതനായിരുന്നു ടോമിൻ തച്ചങ്കരി.ദൈവദത്തമായ അധികാരം ഉപയോഗിച്ച് ജീവനക്കാരെ തലങ്ങും വിലങ്ങും സ്ഥലംമാറ്റി, ഡബിൾ ഡ്യൂട്ടി സിംഗിൾ ഡ്യൂട്ടിയാക്കി, ചർച്ചയ്ക്കു വന്ന യൂണിയൻ നേതാക്കളെ ഊശിയാക്കി, ഗതാഗത മന്ത്രിയെ അവഗണിച്ചു, വകുപ്പ് സെക്രട്ടറിയെ തൃണവൽഗണിച്ചു. എല്ലാത്തിനും മുഖ്യമന്ത്രിയുടെ പിന്തുണയുണ്ടെന്നു ഭാവിച്ചു.കെഎസ്ആർടിസി ലാഭത്തിലേക്കു കുതിക്കുന്നു എന്ന് പത്രങ്ങളിൽ വാർത്ത കൊടുപ്പിച്ചു. കോർപ്പറേഷൻ്റെ വരുമാനം കൊണ്ട് ജീവനക്കാർക്ക് ശമ്പളം കൊടുക്കുന്നതിൽ അഭിമാനം പ്രകടിപ്പിച്ചു കൊണ്ട് മുഖ്യമന്ത്രി ഫേസ്‌ബുക്ക് പോസ്റ്റിട്ടു.പിന്നെ എല്ലാം വളരെ പെട്ടെന്നായിരുന്നു. മന്ത്രിസഭ അജണ്ടയിൽ പെടുത്താതെ തച്ചങ്കരിയെ പറഞ്ഞു വിടാൻ തീരുമാനിച്ചു: കെഎസ്ആർടിസിയുടെ ലാഭം കൂടിയാലും പ്രശ്നമാണ്.തച്ചങ്കരിയുടെ പുതിയ തസ്തിക തീരുമാനിച്ചിട്ടില്ല. ലോകനാഥ ബെഹറ വിരമിക്കുന്ന മുറയ്ക്ക് സംസ്ഥാന പോലീസ് മേധാവിയാകാൻ സാധ്യത.

https://www.facebook.com/AdvocateAJayashankar/photos/a.753112281485167/1875633745899676/?type=3&__xts__%5B0%5D=68.ARDNUZgTl1uL6esWYXtE4DSKevIyj6A5oBvggJZgc9QXZz9YNfqE04O3tpJemDXp42vEATC7MZkktedLtrmWRpDS5EQG68McWYsdiSaS1NUwo-LuckZlrGWraAVJ4JJt3brP3gKBy5y_ksTTH_GPza_ZrvY04nS1XIhAkJ7UzhFwK8T8cDxcRqRCZ3fsupXKmB4NXsROa4sdiYL4li2Ba_cdr88HYfXAeNyijpQsMUgzpZyuiqhJ98ClCGt9BkNkqNOXeXj-psT5k87akt5FPFCQscFJuZ8sXV3KtMI-xj1Xyht6xDT4cvAKn2Ve6gq7gz9AjuSAIDzL6SyqaDSeYkr_r8b4KUzljtrV5CIoKG_imYEgfzLezlA&__tn__=-R