സൗന്ദര്യസംരക്ഷണത്തിനുള്ള ഉത്തമ പ്രതിവിധിയാണ് മത്തങ്ങ. ചര്‍മ്മത്തില്‍ ഉണ്ടാവുന്ന പല പ്രതിസന്ധികള്‍ക്കും പരിഹാരം കാണാന്‍ അല്‍പം വേവിച്ച മത്തങ്ങ മാത്രം മതി.
മുഖത്തെയും കഴുത്തിലേയും ചുളിവുകള്‍ ഇല്ലാതാക്കാന്‍ അല്‍പ്പം മത്തങ്ങ മതി. നല്ലതു പോലെ വേവിച്ച മത്തങ്ങയില്‍ കുറച്ച് നാരങ്ങ നീര് മിക്‌സ് ചെയ്ത് മുഖത്തും കഴുത്തിലും തേച്ച് പിടിപ്പിക്കുക. ഇത് ചര്‍മ്മത്തില്‍ പല വിധത്തിലുള്ള ഗുണങ്ങളും നല്‍കുന്നു. അതോടൊപ്പം ചര്‍മ്മത്തിന്റെ തിളക്കവും നിലനിര്‍ത്തുന്നതിന് സഹായിക്കുന്നു. ബ്ലാക്ക്‌ഹെഡ്‌സ് പരിഹാരം കാണുന്നതിനും മത്തങ്ങ ഉപയോഗിക്കാവുന്നതാണ്. നല്ലതു പോലെ വേവിച്ച മത്തങ്ങ അല്‍പം തേന്‍, ആപ്പിള്‍ സിഡാര്‍ വിനീഗര്‍, പഞ്ചസാര എന്നിവ മിക്‌സ് ചെയ്ത് ഇത് മുഖത്ത് തേച്ച് പിടിപ്പിക്കുക. ബ്ലാക്ക്‌ഹെഡ്‌സ് പമ്പ കടക്കും. മത്തങ്ങയില്‍ ബേക്കിംഗ് സോഡ മിക്‌സ് ചെയ്ത് തേക്കാവുന്നതാണ്. ഇത് ചര്‍മ്മത്തിലെ കറുത്ത പുള്ളികളെ പൂര്‍ണമായും ഇല്ലാതാക്കി ചര്‍മ്മത്തിന് തിളക്കവും നിറവും വര്‍ദ്ധിപ്പിക്കുന്നു. മാത്രമല്ല ചര്‍മത്തിലെ പാടുകള്‍ നീക്കം ചെയ്യുകയും ചെയ്യും.
Post Your Comments