മലപ്പുറം മൂന്നിയൂരില്‍ എട്ട് ഏക്കര്‍ നെല്‍കൃഷി നശിച്ചു

മലപ്പുറം: എട്ട് ഏക്കര്‍ നെല്‍കൃഷി രോഗബാധയില്‍ നശിച്ചു. കരിഞ്ഞുണങ്ങി വളര്‍ച്ച മുരടിക്കുന്ന രോഗമാണ് ബാധിച്ചത്. തിരൂരങ്ങാടി കളിയാട്ടമുക്കിലെ മൂന്നിയൂരിലെ കര്‍ഷകനായ ചോയിയുടെ കൃഷിയാണ് നശിച്ചത്. മൂന്ന് ലക്ഷം രൂപയാണ് കൃഷി നശിച്ചതിലൂടെയുള്ള നഷ്ടം കണക്കാക്കുന്നത്. രണ്ടാഴ്ച മുന്‍പ് കാഞ്ചന ഇനത്തില്‍പ്പെട്ട നെല്ലുകള്‍ക്കാണ് രോഗം ആദ്യം ബാധിച്ചത്. പിന്നീട് മറ്റിടങ്ങളിലേക്ക് ഇത് വ്യാപിച്ചു. കൃഷി. ഭവനില്‍ നിന്ന് നല്‍കിയ മരുന്ന് ആറു തവണ തളിച്ചു. എന്നാല്‍ ഫലം ഉണ്ടായില്ല. രോഗം മറ്റിടങ്ങളിലേക്ക് വ്യാപിക്കാതിരിക്കാന്‍ കൃഷി വകുപ്പ് ഉദ്യോഗസ്ഥര്‍ നേരിട്ടെത്തി പരിശോധന നടത്തണമെന്ന് കര്‍ഷകര്‍ ആവശ്യമുന്നയിച്ചു.