പാലക്കാട്: ദേശീയ പാതയില്‍ ലോറിയും ബസും കൂട്ടിയിടിച്ച് ഒരു മരണം. പാലക്കാട് വടക്കുമുറിയിലാണ് സംഭവം. ബസിന്റെ ക്ലീനര്‍ കറുപ്പു ദുരൈയാണ് മരിച്ചത്. ഇയാള്‍ തമിഴ്‌നാട് കടലൂര്‍ സ്വദേശിയാണ്.
ഈ വര്‍ഷം നിരവധി ജീവനുകളാണ് റോഡപകടങ്ങളില്‍ പൊലിഞ്ഞത്. കഴിഞ്ഞ ദിവസം രണ്ടിടങ്ങളിലുണ്ടായ അപകടങ്ങളില്‍ എസ്ഐയും യുവാവും മരിച്ചത് ഏറെ നേരം സഹായം ലഭിക്കാതെ ചോരവാര്‍ന്ന്. കൈനടി സ്റ്റേഷനിലെ ഗ്രേഡ് എസ്ഐ ആലപ്പുഴ വാടയ്ക്കല്‍ ആഞ്ഞിലിപ്പറമ്പില്‍ എ.ജെ.ജോസഫ് (55), ആലപ്പുഴ വഴിച്ചേരി സെന്റ് ജോസഫ്സ് സ്ട്രീറ്റ് ശ്യാം നിവാസില്‍ പരേതനായ ഷാജി ഫ്രാന്‍സിസിന്റെ മകന്‍ ശ്യാം ഷാജി (21) എന്നിവരാണ് ആലപ്പുഴ-ചങ്ങനാശേരി റോഡില്‍ ഉണ്ടായ അപകടങ്ങളില്‍ മരിച്ചത്. എന്നാല്‍ അപകടത്തില്‍ പരിക്കേറ്റ് ഇവര്‍ ഏറെ നേരം റോഡില്‍ കിടന്നെങ്കിലും ആരും തിരിഞ്ഞു നോക്കിയില്ല.
Post Your Comments