ദുബായ്: ആയിരങ്ങളെ ആവേശത്തിലാഴ്ത്തിയ ദുബായ് മാരത്തണില്‍ പുരുഷവിഭാഗത്തില്‍ ഗറ്റനെ താമിര്‍ മൊല്ലയും വനിതാ വിഭാഗത്തില്‍ കെന്‍യാന്‍ ചെപ്പന്‍ഗെറ്റിച്ചും വിജയികളായി.
വെള്ളിയാഴ്ചയാണ് മാരത്തണിന് തുടക്കമായത്. 42 കിലോമീറ്റര്‍ ഓട്ടത്തില്‍ ആയിരങ്ങളാണ് പങ്കെടുത്തത്. മദീനത്ത് ജുമേരക്ക് സമീപം ഉം സുഖീമില്‍ നിന്നാണ് കൂട്ടയോട്ടം തുടങ്ങിയത്. പിന്നീട് ദുബായ് കോളേജ്, ദുബായ് മീഡിയ സിറ്റി എന്നിവ പിന്നിട്ടു തിരിഞ്ഞു വെസ്റ്റിന്‍ മിന സെയാഹി വഴി തിരിച്ച് ജുമേര ബീച്ച് ഹോട്ടല്‍, ബുര്‍ജ് അല്‍ അറബ് എന്നിവയുടെ മുന്നിലൂടെ പോയി. തുടര്‍ന്ന് ജുമേര ബീച്ച് റോഡിലെ പുതിയ പാലത്തിലെത്തി വീണ്ടും തിരിഞ്ഞ് മദീനത്ത് ജുമേരയിലെത്തി രണ്ടാം ലാപ്പും കഴിഞ്ഞശേഷം ദുബായ് പോലീസ് അക്കാദമിക്കരികിലെത്തിയപ്പോഴാണ് മത്സരം അവസാനിച്ചത്.
Post Your Comments