കോട്ടയം : മോഷ്ടിച്ച ബൈക്കില്‍ കറങ്ങുന്നതിനിടെ പിടിയിലായ യുവാവ് റിമാന്‍ഡില്‍. ചെങ്ങളം പുതിയ പുരയിടത്തില്‍ ജിഷ്ണു(24)വിനെ കഴിഞ്ഞദിവസമാണ് മോഷ്ടിച്ച് ബൈക്കില്‍ കറങ്ങുന്നതിനിടെ പൊലീസ് പിടികൂടിയത്.
ചേര്‍ത്തലയിലെ അര്‍ത്തുങ്കല്‍ പള്ളി പെരുന്നാളിനിടെയാണ് യുവാവ് ബൈക്ക് മോഷ്ടിച്ചത്. തുടര്‍ന്ന് ബൈക്കുമായി കോട്ടയത്ത് എത്തി. നമ്പര്‍ പ്ലേറ്റ് മാറ്റി വ്യാജ നമ്പര്‍ പ്ലേറ്റ് ഘടിപ്പിച്ച് നഗരത്തില്‍ കറങ്ങുകയായിരുന്നു. ഇതിനിടെ നഗരത്തില്‍ പൊലീസ് സംഘം നടത്തിയ വാഹന പരിശോധനയില്‍ വ്യാജ നമ്പര്‍ പ്ലേറ്റ് ഘടിപ്പിച്ചതായി കണ്ടെത്തിയത്.
തുടര്‍ന്ന് ചോദ്യം ചെയ്തതോടെയാണ് ബൈക്ക് മോഷ്ടിച്ചതാണെന്ന് കണ്ടെത്തിയത്. ബുധനാഴ്ച കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
Post Your Comments