തിരുവനന്തപുരം: ഓപ്പറേഷന്‍ കോബ്രയില്‍ കുടുങ്ങിയത് 70 ക്രിമിനലുകള്‍. ഓപ്പറേഷന്‍ കോബ്രയുടെ ഭാഗമായി കഴിഞ്ഞ രണ്ട് ദിവസങ്ങളിലായി നടത്തിയ തിരച്ചിലിലാണ് 70 പേര്‍ കുടുങ്ങിയത്. ഇതില്‍ ഭൂരിപക്ഷവും ക്രിമിനല്‍ കേസുകളില്‍പ്പെട്ട് ഒളിവില്‍ കഴിഞ്ഞവരാണെന്ന് പൊലീസ് അറിയിച്ചു. ഇതിനു പുറമേ ഗുണ്ടാ പ്രവര്‍ത്തനം, കൊലപാതകകേസുകള്‍ എന്നിവയില്‍ ഉള്‍പ്പെട്ടവരുടെ വിവര ശേഖരണവും കരുതല്‍ അറസ്റ്റും ആരംഭിച്ചിട്ടുണ്ട്. നഗരത്തിലെ ഒഴിഞ്ഞ് കിടക്കുന്ന കെട്ടിടങ്ങള്‍, ഫ്‌ളാറ്റുകള്‍, തുടങ്ങിയ സ്ഥലങ്ങളില്‍ നിന്നാണ് ഒളിവില്‍ കഴിഞ്ഞവരെ പിടികൂടിയത്. ജില്ലയില്‍ ആളൊഴിഞ്ഞ സ്ഥലങ്ങളില്‍ ലഹരിമരുന്ന് ഉപയോഗിച്ച ചെറുപ്പക്കാരെയും പിടികൂടിയിട്ടുണ്ട്. രൂപമാറ്റം വരുത്തിയ വാഹനങ്ങളെയും മദ്യപിച്ചും നിയമലംഘനം നടത്തിയും വാഹനമോടിച്ചവരെയുമാണ് ആദ്യദിനത്തില്‍ പിടികൂടിയത്.
Post Your Comments