ഡോളറിനെതിരെ രൂപയുടെ കുതിപ്പ്: അഞ്ച് മാസത്തിലെ ഉയര്‍ന്ന നിരക്കില്‍

മുംബൈ•ഡോളറിനെതിരെ രൂപ നില മെച്ചപ്പെടുത്തി. ഇപ്പോള്‍ കഴിഞ്ഞ അഞ്ച് മാസത്തിലെ ഏറ്റവും ഉയര്‍ന്ന നിരക്കിലാണ് രൂപയുടെ മൂല്യം.

രാവിലെ 11.30 നിലവാരപ്രകാരം ഡോളറിനെതിരെ രൂപയുടെ മൂല്യം 69.45 ആണ്. 69.73 നിലവാരത്തിലാണ് വ്യാപാരം ആരംഭിച്ചത് . ഇതിനുമുമ്പ് 2018 ഓഗസ്റ്റ് 10നാണ് സമാന നിലവാരത്തില്‍ രൂപയുടെ മൂല്യമെത്തിയത്.

ചൈന-യുസ് വ്യാപാര യുദ്ധവുമായി ബന്ധപ്പെട്ട് ഡോളറിന് നേരിട്ട തളര്‍ച്ചയാണ് രൂപയ്ക്ക് ഗുണകരമായത്.

യു.എ.ഇ ദിര്‍ഹത്തിനെതിരെ 18.91 ലാണ് നിലവില്‍ വ്യാപാരം നടക്കുന്നത്.