കോഴിക്കോട് : മാസങ്ങളായി കോഴിക്കോട് ജില്ലക്കാരുടെ ഉറക്കം കെടുത്തിയ കുപ്രസിദ്ധ മോഷ്ടാവ് ആസിഡ് ബിജു അറസ്റ്റില്‍. അടിവസ്ത്രം മാത്രം ധരിച്ച് വീടുകളില്‍ പ്രവേശിച്ച് സ്വര്‍ണ്ണാഭരണങ്ങള്‍ മോഷ്ടിക്കുന്നതില്‍ വിരുതനായിരുന്നു ആസിഡ് ബിജു.
ഒറ്റ രാത്രി തന്നെ ഒരു പ്രദേശത്തെ അഞ്ചോളം വീടുകളില്‍ ഇയാള്‍ മോഷണം നടത്താറുണ്ട്. എറണാകുളം കോതമംഗലം സ്വദേശിയായ ബിജു ആര്‍ഭാട ജിവിതത്തിന് വേണ്ടിയാണ് മോഷ്ടിച്ച് കിട്ടുന്ന സ്വര്‍ണ്ണം ഉപയോഗിക്കുന്നത്. പൊലീസിന്റെ വാഹന പരിശോധനക്കിടെ കഴിഞ്ഞ ദിവസം പുലര്‍ച്ചെ അഞ്ചുമണിയോടെ ഓമശ്ശേരി ടൗണില്‍ വച്ചാണ് ഇയാള്‍ പിടിയിലായത്.
തുടര്‍ന്ന് നടത്തിയ ചോദ്യം ചെയ്യലിലാണ് ഏറെനാളായി വിവിധ സ്ഥലങ്ങളില്‍ നടന്നുവന്ന മോഷണ പരമ്പരയുടെ ചുരുളഴിഞ്ഞത്. പ്രതിയുടെ കൈവശമുണ്ടായിരുന്ന ബാഗില്‍ വാതില്‍ പൊളിക്കാന്‍ ഉപയോഗിക്കുന്ന കമ്പിപ്പാര, ഉളി, വയര്‍കട്ടര്‍ തുടങ്ങിയവ ഉണ്ടായിരുന്നു . മോഷണം നടത്തുമ്‌ബോള്‍ അടിവസ്ത്രം മാത്രം ധരിച്ച് വീടുകളില്‍ സൈ്വര്യ വിഹാരം നടത്തിയിരുന്ന പ്രതിയെ കണ്ട് സ്ത്രീകളും കുട്ടികളും അടക്കം പലരും പരിഭ്രാന്തരാകുകയും ഭീതിയില്‍ കഴിയാനിടയാവുകയും ചെയ്തിട്ടുണ്ടെന്ന് പൊലീസ് പറയുന്നു.
എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട് ജില്ലകളില്‍ നൂറിലേറെ മോഷണ കേസുകളില്‍ പിടിയിലായിട്ടുണ്ട്. പല തവണകളിലായി എട്ടുവര്‍ഷത്തിലധികം ജയില്‍ ശിക്ഷ അനുഭവിച്ചിട്ടുമുണ്ട്
Post Your Comments