പയ്യന്നൂര്‍ : അയ്യപ്പജ്യോതി തെളിയിക്കലുമായി ബന്ധപ്പെട്ട് പയ്യന്നൂര്‍ മേഖലയിലുണ്ടായ സംഘര്‍ഷത്തില്‍ രണ്ടു പേര്‍ കൂടി അറസ്റ്റിലായി.
കരിവള്ളൂരിലെ വിപിന്‍, സജിത് കുമാര്‍ എന്നിവരാണ് അറസ്റ്റിലായത്. ഇവരെ പയ്യന്നൂര്‍ ജുഡിഷ്യല്‍ മജിസ്‌ട്രേറ്റ് കോടതി റിമാന്‍ഡ് ചെയ്തു. കരിവള്ളൂര്‍ ആണൂര്‍ വി വി വായനശാലയ്ക്ക് സമീപമുണ്ടായ ആക്രമണത്തില്‍ പരിക്കേറ്റ കാഞ്ഞങ്ങാട് പാറക്കള്ളിയിലെ ഗീതയുടെ പരാതിയില്‍ കണ്ടാലറിയാവുന്ന പതിനഞ്ചോളം പേര്‍ക്കെതിരെ പൊലീസ് കേസ് രജിസ്റ്റര്‍ ചെയ്തിരുന്നു.
ഇതിലാണ് രണ്ടു പേര്‍ അറസ്റ്റിലായിരിക്കുന്നത്. അയ്യപ്പജ്യോതിക്കെത്തിയവരെ ആക്രമിച്ച കേസില്‍ 169 പേര്‍ക്കെതിരെ പൊലീസ് കേസെടുത്തിട്ടുണ്ട്.
Post Your Comments