മുംബൈ : ശ്വാസ സംബന്ധമായ പ്രശ്‌നങ്ങളെ തുടര്‍ന്ന് ബോളിവുഡ് താരം ഖാദര്‍ ഖാനെ ആശുപത്രിയില്‍ പ്രവേശിപ്പിച്ചു. കാനഡയിലെ ആശുപത്രിയിലാണ് അദ്ദേഹത്തെ പ്രവേശിപ്പിച്ചത്. മകന്‍ സര്‍ഫാസും മരുമകളുമാണ് ആശുപത്രിയില്‍ ഒപ്പമുള്ളത്.
അമിതാഭ് ബച്ചന്‍ അടക്കമുള്ള താരങ്ങള്‍ ഖാദര്‍ ഖാന്റെ തിരിച്ചുവരവിന് വേണ്ടി പ്രാര്‍ത്ഥിക്കുന്നതായി അറിയിച്ചു. ട്വിറ്ററിലാണ് അമിതാഭ് വെള്ളിത്തിരയിലെ തന്റെ പഴയ ചങ്ങാതിക്ക് പ്രാര്‍ത്ഥനകള്‍ നേര്‍ന്നത്.
നിരവധി ഹിറ്റ് ചിത്രങ്ങളില്‍ ഇവര്‍ ഒന്നിച്ച് വേഷമിട്ടിട്ടുണ്ട്. ഖാദര്‍ ഖാനുമൊത്തുള്ള പഴയ ചിത്രത്തോടൊപ്പമാണ് അമിതാഭ് ട്വിറ്ററില്‍ പ്രാര്‍ത്ഥനകള്‍ നേര്‍ന്നത്.
Post Your Comments