ഗെയിമിംഗ് സ്മാര്‍ട്ട്‌ഫോണ്‍ ശ്രേണിയിൽ വിപ്ലവം സൃഷ്ടിക്കാൻ ന്യൂബിയ റെഡ് മാജിക്ക് വിപണിയില്‍

ഗെയിമിംഗ് സ്മാര്‍ട്ട്‌ഫോണ്‍ ശ്രേണിയിൽ വിപ്ലവം സൃഷ്ടിക്കാൻ ന്യൂബിയ റെഡ് മാജിക്ക് ഇന്ത്യൻ വിപണിയില്‍. ഗെയിമിംഗ് പി.സിയെ അടിസ്ഥാനപ്പെടുത്തിയാണ് റെഡ് മാജിക്കിനെ ന്യൂബിയ ഒരുക്കിയിരിക്കുന്നത്.

5.99 ഇഞ്ച് ഫുള്‍ എച്ച്.ഡി 2160X1080 പിക്‌സല്‍ റെസലൂഷൻ 18:9 ആസ്‌പെക്ട് റേഷ്യോ 2.5 ഡി കര്‍വ്ഡ്ഡിസ്‌പ്ലേ,ക്വാല്‍കോം സ്‌നാപ്ഡ്രാഗണ്‍ 835 ചിപ്പ്‌സെറ്റ്,24 മെഗാപിക്‌സലിന്റെ പിൻ ക്യാമറ,8 മെഗാപിക്‌സലിന്റെ വൈഡ് ആംഗിള്‍ ലെന്‍സ് മുൻ ക്യാമറ, 3,800 എംഎഎച്ച് ബാറ്ററി എന്നിവ പ്രധാന പ്രത്യേകതകൾ.  

പിന്‍ ഭാഗത്തെ ആര്‍.ജി.ബി സ്ട്രിപ്പികുള്‍,തുടര്‍ച്ചയായി ഗെയിം കളിക്കുമ്പോഴുണ്ടാകുന്ന ഫോണിന്റെ ഹീറ്റിംഗ് കുറയ്ക്കാന്‍ ഉൾപ്പെടുത്തിയ ഇരട്ട കവെന്‍ഷന്‍ കൂളിംഗ് സിസ്റ്റം എന്നിവയാണ് മറ്റു സവിശേഷതകൾ.ഡിസംബര്‍ 20 മുതല്‍ ആമസോണിലൂടെ വില്‍പ്പന ആരംഭിച്ച ഫോണിന് 29,999 രൂപയാണ് വില.