കൊച്ചി : മലയാളികളുടെ മനസ്സില്‍ എന്നും സൂപ്പര്‍ ഹിറ്റായി ഓടിക്കൊണ്ടിരിക്കുന്ന സിനിമയാണ് 1993 ല്‍ ഫാസിലിന്റെ സംവിധാനത്തില്‍ പുറത്തിറങ്ങിയ മണിചിത്രത്താഴ്. പിന്നിടിങ്ങോട്ട് നിരവധി പ്രേത ചിത്രങ്ങള്‍ മലയാളിയുടെ വെള്ളിത്തിയില്‍ വന്നു പോയെങ്കിലും മണിചിത്രത്താഴ് ഓരോ സിനിമാസ്വാദകന്റെ മനസ്സിലും നിറഞ്ഞു നില്‍ക്കുന്നു.
മണിചിത്രത്താഴ് പുറത്തിറങ്ങി 25 വര്‍ഷം പൂര്‍ത്തിയായിട്ടും സിനിമയില്‍ നാഗവല്ലിയുടെ ചിത്രത്തില്‍ ഉണ്ടായിരുന്ന മോഡല്‍ ആരാണെന്ന കാര്യം ചിത്രത്തിന്റെ അണിയറ പ്രവര്‍ത്തകര്‍ ഇതുവരെ പുറത്തു പറഞ്ഞിട്ടില്ല. ഒടുവില്‍ സംവിധായകന്‍ തന്നെ ആ രഹസ്യം പൊട്ടിച്ചു.
ഇതിന് പിന്നില്‍ വലിയ രഹസ്യമൊന്നുമില്ലെന്നും കഥാസന്ദര്‍ഭം പറഞ്ഞുകൊടുത്തപ്പോള്‍ ആര്‍ട്ട് ഡയറക്ടര്‍ ഭാവനയില്‍ നിന്നും വരച്ചുകൊണ്ടുവന്ന ചിത്രമാണ് നാഗവല്ലിയുടേതെന്നും അതിനൊരു മോഡലൊന്നും ഉണ്ടായിരുന്നില്ലെന്നുമാണ് ഫാസില്‍ പറയുന്നത്. ആ കലാസംവിധായകന്റെ പേര് ഇപ്പോള്‍ ഓര്‍മ്മ കിട്ടുന്നില്ലെങ്കിലും തന്റെ മനസ്സിലുള്ള നാഗവല്ലിയുടെ രൂപം വരയ്ക്കാന്‍ അദ്ദേഹത്തിനായെന്നും ഫാസില്‍ പറഞ്ഞു.
Post Your Comments