ആലപ്പുഴ : ദേശീയ പാതയില്‍ ചേപ്പാട് കവലയ്ക്കടുത്ത് ടെമ്പോ ട്രാവലറും ലോറിയുും കുട്ടിയിടിച്ചുണ്ടായ അപകടത്തില്‍ ഒരു മരണം. ടെമ്പോ ട്രാവലറിന്റെ ഡ്രൈവര്‍ തിരുവനന്തപുരം കൊല്ലോട് എസ്.എസ്.ഭവനില്‍ എസ്.ഷാരോണാണ് മരിച്ചത്.
വ്യാഴാഴ്ച പുലര്‍ച്ചെ അഞ്ചു മണിയോടെയായിരുന്നു അപകടം. പരിക്കേറ്റവരില്‍ കുട്ടികളും ഉള്‍പ്പെടുന്നു. ഇവരില്‍ എട്ടു പേരെ ആലപ്പുഴ മെഡിക്കല്‍ കോളേജ് ആശുപത്രിയിലും മറ്റുള്ളവരെ ഹരിപ്പാടിലേയും കായംകുളത്തേയും സര്‍ക്കാര്‍ ആശുപത്രികളിലും പ്രവേശിപ്പിച്ചു.
നെയ്യാറ്റിന്‍കരയില്‍ നിന്നും ചോറ്റാനിക്കരയിലേക്ക് ദര്‍ശനത്തിനെത്തിയതായിരുന്നു ടെമ്പോ ട്രാവലറിലുള്ളവര്‍. മുന്നിലുള്ള വാഹനത്തില്‍ തട്ടിയതിനെ തുടര്‍ന്ന് നിയന്ത്രണം നഷ്ടപ്പെട്ട ടെമ്പോയ്ക്ക് പിന്നില്‍ പുറകെ വന്ന ലോറി ഇടിച്ചു കയറുകയായിരുന്നു. പച്ചക്കറിയുമായി തമിഴ്‌നാട്ടില്‍ നിന്നും വന്ന ലോറിയാണ് അപകടത്തില്‍പ്പെട്ടത്.
Post Your Comments