പുല്‍വാമയിലുണ്ടായ ഏറ്റുമുട്ടലിൽ ജവാന് വീരമൃത്യു; നാട്ടുകാരും തീവ്രവാദികളുമടക്കം മരിച്ചത് പത്തുപേര്‍

ശ്രീനഗര്‍: ജമ്മുകശ്മീരീലെ പുല്‍വാമയിലുണ്ടായ ഏറ്റുമുട്ടലിൽ ഒരു ജവാനും നാട്ടുകാരും ഭീകരരുമടക്കം പത്ത് പേർ മരിച്ചു. ഭീകരരുടെ സാന്നിദ്ധ്യമുണ്ടെന്ന വിവരത്തെ തുടര്‍ന്ന് സുരക്ഷാ ഉദ്യോഗസ്ഥര്‍ നടത്തിയ തിരച്ചിലിനിടെയാണ് ആക്രമണമുണ്ടായത്. ഏറ്റുമുട്ടലിനിടെ ഭീകരരെ രക്ഷപ്പെടുത്താന്‍ ശ്രമിച്ച നാട്ടുകാര്‍ക്ക് നേരെയും സൈന്യം വെടിയുതിര്‍ക്കുകയായിരുന്നു. മൂന്ന് തീവ്രവാദികളെയാണ് ഏറ്റുമുട്ടലില്‍ വധിച്ചത്.
ഏറ്റുമുട്ടലിനെത്തുടര്‍ന്ന് പ്രദേശത്തെ യുവാക്കളും സുരക്ഷാ സേനയുമായി ഉണ്ടായ സംഘര്‍ഷത്തില്‍ ആറ് പേരും കൊല്ലപ്പെട്ടു.