ഇടുക്കി ജില്ലയിലെ അഴുത ബ്ലോക്ക് പഞ്ചായത്തംഗം സുധാകരന്‍ നീലാംബരനെ സംസ്ഥാന തിരഞ്ഞെടുപ്പ് കമ്മീഷണര്‍ വി. ഭാസ്കരന്‍ കൂറുമാറ്റ നിരോധനനിയമ പ്രകാരം അയോഗ്യനാക്കി. നിലവില്‍ അംഗമായി തുടരുന്നതിനും തദ്ദേശസ്വയംഭരണ സ്ഥാപനങ്ങളിലേക്ക് മത്സരിക്കുന്നതിനും 2018 ഡിസംബര്‍ 14 മുതല്‍ ആറ് വര്‍ഷത്തേക്കാണ് വിലക്ക് ഏര്‍പ്പെടുത്തിയിട്ടുള്ളത്.
ബ്ലോക്ക് പഞ്ചായത്ത് പ്രസിഡന്‍റ് ഇന്‍ഡ്യന്‍ നാഷണല്‍ കോണ്‍ഗ്രസ്സിലെ ജെസി ജേക്കബ്ബിനെതിരെ 2017 ഒക്ടോബര്‍ 19-ന് നടന്ന അവിശ്വാസ പ്രമേയ വോട്ടെടുപ്പില്‍ ആര്‍.എസ്.പി അംഗമായ ഇയാള്‍ പാര്‍ട്ടി വിപ്പ് ലംഘിച്ച് എല്‍.ഡി.എഫുമായി ചേര്‍ന്ന് അവിശ്വാസ പ്രമേയത്തിന് അനുകൂലമായി വോട്ട് ചെയ്തിരുന്നു. ഇതിനെതിരെ ബ്ലോക്ക് പഞ്ചായത്തംഗം ഷാജി പൈനാടത്ത് നല്‍കിയ ഹര്‍ജി പരിഗണിച്ചാണ് കമ്മീഷന്‍റെ നടപടി.
Post Your Comments