ബെംഗളൂരു: ഇരുപതുകാരന്‍ അമ്മയെ പെട്രോളൊഴിച്ച്‌ തീ കൊളുത്തി കൊലപ്പെടുത്താന്‍ ശ്രമം. കര്‍ണാടകയിലെ സദാശിവനഗറിലാണ് സംഭവം. മദ്യം വാങ്ങാന്‍ പണം നല്‍കാന്‍ വിസമ്മതിച്ചതിനെ തുടര്‍ന്നാണ് അമ്മയെ തീ കൊളുത്തിയത്. ഗുരുതരമായി പൊള്ളലേറ്റ സ്ത്രീയെ ആശുപത്രിയില്‍ പ്രവേശിപ്പിച്ചു.
പണം നൽകാൻ അമ്മ തയ്യാറാവാത്തതിനെ തുടര്‍ന്ന് ഇരുവരും തമ്മില്‍ തര്‍ക്കമുണ്ടാവുകയും തുടര്‍ന്ന് മകൻ പെട്രോളൊഴിച്ച്‌ തീ കൊളുത്തുകയായിരുന്നു. വീട്ടിലുണ്ടായിരുന്ന ഇവരുടെ ഭര്‍ത്താവ് ഇവരെ വേഗം ആശുപത്രിയിലെത്തിച്ചു. ഇവരുടെ മുഖത്തും കൈയിലും നെഞ്ചിലും പൊള്ളലേറ്റു. പ്രതി ഒളിവിലാണ്.
Post Your Comments