പാരാമിലിട്ടറിയിൽ നിന്ന് വിരമിച്ചവർക്ക് പുതിയ അവസരമൊരുങ്ങുന്നു

ന്യൂഡൽഹി : പാരാമിലിട്ടറിയിൽ നിന്ന് വിരമിച്ചവർക്ക് റിസർവ് ബാങ്കിലും സ്റ്റേറ്റ് ബാങ്ക് ഓഫ് ഇന്ത്യ ഉൾപ്പെടെയുള്ള ദേശസാൽകൃത ബാങ്കുകളിലും സെക്യൂരിറ്റി ഓഫീസർ സെക്യൂരിറ്റി ഗാർഡ് തുടങ്ങിയ തസ്തികകളിൽ നിയമനത്തിന് അംഗീകാരം ലഭിച്ചതായി ഓൾ ഇന്ത്യാ സെൻട്രൽ പാരാമിലിട്ടറി ഫോഴ്സസ് എക്സ് സർവീസ്മെൻ വെൽഫെയർ അസോസിയേഷൻ ദേശീയ ജനറൽ സെക്രട്ടറി പി. എസ്. നായർ അറിയിച്ചു.

സിആർപിഎഫ്, ബിഎസ്എഫ്, സിഐഎസ്എഫ്, ഐടിബിപി, എസ്എസ്ബി എന്നിവയിൽനിന്നു വിരമിച്ചവർക്ക് ഇതിന്റെ ആനുകൂല്യം ലഭിക്കുമെന്നും അദ്ദേഹം വ്യക്തമാക്കി.