ശബരിമല: ശബരിമലയില്‍ എത്തുന്ന ഭക്തജനങ്ങളുടെ എണ്ണത്തില്‍ വന്‍ വര്‍ധനവ്. അന്യസംസ്ഥാനത്ത് നിന്നുള്ളവര്‍ക്ക് പുറമേ കേരളത്തില്‍ നിന്നുള്ള ഭക്തരുടെ എണ്ണത്തിലും വര്‍ധനവുണ്ടായിട്ടുണ്ട്. അതേസമയം അവധി ദിനങ്ങളായതിനാലാണ് ഈ വര്‍ധനവ്. നാളെയും വലിയ ഭക്തജന തിരക്ക് ഉണ്ടാകുമെന്നാണ് പ്രതീക്ഷിക്കുന്നത്. അതേസമയം കഴിഞ്ഞ വര്‍ഷത്തെ മണ്ഡലകാലത്തിന് സമാനമായ രീതിയിലേക്ക് ശബരിമല എത്തിക്കൊണ്ടിരിക്കുകയാണെന്നും വിവരങ്ങള്‍ പുറത്തുവരുന്നു.
ഇന്ന് 35,000ത്തോളം ഭക്തര്‍ ദര്‍ശനത്തിനായി എത്തി എന്നാണ് ഔദ്യോഗിക വിവരം. രാവിലെ ഒമ്പത് മണിക്ക് മുന്നെത്തിയ ഭക്തരുടെ കണക്കാണിത്. പോലീസ് നിയന്ത്രണങ്ങളില്‍ ഇളവേര്‍പ്പെടുത്തിയതും ശബരിമലയിലേക്ക് ഭക്തജനങ്ങള്‍ എത്തുന്നതിന് അനുകൂല സാഹചര്യമാണ് ഒരുക്കിയിരിക്കുന്നത്.
Post Your Comments