കോഴിക്കോട്: യൂത്ത് ലീഗ് ജാഥയ്ക്കിടെ പറത്തിയ എല്‍ഇഡി പാരച്യൂട്ട് റെയില്‍വെ ട്രാക്കിലെ വൈദ്യുതി ലൈനില്‍ പതിച്ചിതിനെ തുടര്‍ന്ന് തീവണ്ടി ഗതാഗതം 2 മണിക്കൂറുകളോളം സംതംഭിച്ചതായി റിപ്പോര്‍ട്ട് . യൂത്ത് ലീഗ് സംസ്ഥാന ജാഥയ്ക്ക് വടകരയില്‍ നല്‍കിയ സ്വീകരണചടങ്ങിനിടെയായിരുന്നു സംഭവമുണ്ടായത്. കോഴിക്കോട് നിന്നും കണ്ണൂര്‍ ഭാഗത്തേക്കുള്ള ട്രാക്കിലാണ് ട്രെയിന്‍ ഗതാഗതം തടസ്സപ്പെടത്.
പരിപാടിയില്‍ പങ്കെടുക്കാനെത്തിയവര്‍ പറത്തിയ എല്‍ഇഡി പാരച്യൂട്ടുകളിലൊന്ന് റെയില്‍വേ ട്രാക്കിലെ വൈദ്യുതി ലൈനില്‍ തട്ടുകയായിരുന്നു.തുടര്‍ന്ന് ലെെനിലെ പരിശോധനക്കായി നേത്രാവതി എക്സ്പ്രസ്സ് വടകര സ്റ്റേഷനില്‍ രണ്ട് മണിക്കൂറോളം പിടിച്ചിടേണ്ട സാഹചര്യമുണ്ടായി. കോഴിക്കോട് നിന്നും കണ്ണൂര്‍ ഭാഗത്തേക്കുള്ള ട്രാക്കിലാണ് ട്രെയിന്‍ ഗതാഗതം തടസ്സപ്പെട്ടത്. പരിശോധനകള്‍ പൂര്‍ത്തിയാക്കിയ ശേഷമാണ് പിന്നീട് ഗതാഗതം പുനസ്ഥാപിച്ചത്.
Post Your Comments