ജമ്മു -കാശ്മീര്‍: ജമ്മു കാശ്മീരിലുണ്ടായ വെടിവെയ്പ്പില്‍ രണ്ട് ഭീകരര്‍ കൊല്ലപ്പെട്ടു. കാശ്മീരിലെ ബാദ്ഗാമിലെ കുത്‌പോറ ഗ്രാമത്തില്‍ ഭീകരരുടെ സാന്നിദ്ധ്യത്തെക്കുറിച്ച് വ്യക്തമായ വിവരം ലഭിച്ചതിനെ തുടര്‍ന്ന് നടന്ന തെരച്ചിലിലാണ് വെടിവപ്പുണ്ടായത്. വെടിവെയ്പ്പില്‍ മൂന്ന് സൈനികര്‍ക്ക് പരിക്കേല്‍ക്കുകയും ചെയ്തു.
ഭീകരര്‍ ഒളിച്ചു താമസിക്കുന്ന എന്ന് അനുമാനിക്കുന്ന പുല്‍വാമ, ബാദ്ഗാം എന്നിവിടങ്ങളില്‍ മൊബൈല്‍, ഇന്റര്‍നെറ്റ് സേവനങ്ങള്‍ വിച്ഛേദിച്ചിരിക്കുന്നതായും സൈന്യം അറിയിച്ചു. കൊല്ലപ്പെട്ട ഭീകരരെ തിരിച്ചറിയാന്‍ സാധിച്ചിട്ടില്ലെന്ന് സൈനിക ഉദ്യോഗസ്ഥര്‍ വെളിപ്പെടുത്തി.
Post Your Comments