പട്‌ന : മനുഷ്യന്റെ തലയോട്ടികളും അസ്ഥികൂടങ്ങളും ചൈനയിലേക്ക് കടത്തുന്നയാൾ പിടിയിൽ. ബീഹാർ സ്വദേശായി സഞ്ജയ് പ്രസാദാണ് അറസ്റ്റിലായത്. ബാലിയ-സീല്‍ദ എക്‌സ്പ്രസ് ട്രെയിനില്‍ തലയോട്ടികളുമായി യാത്ര ചെയ്യുന്നതിനിടയിലാണ് ഇയാൾ പോലീസിന്റെ പിടിയിലായത്. ഇയാളില്‍നിന്ന് അമ്പതോളം അസ്ഥികൂടങ്ങളും തലയോട്ടികളും പോലീസ് പിടിച്ചെടുത്തു.
അസ്ഥികൂടങ്ങള്‍ ഉത്തര്‍പ്രദേശിലെ ബാലിയയില്‍നിന്നാണ് കൊണ്ടുവരുന്നതെന്നും ഭൂട്ടാന്‍ വഴി ചൈനയിലേക്ക് കടത്തുകയാണ് ലക്ഷ്യമെന്നുമാണ് ഇയാള്‍ പോലീസിന് നല്‍കിയ മൊഴി. സഞ്ജയില്‍നിന്ന് നേപ്പാള്‍, ഭൂട്ടാന്‍ കറന്‍സികളും ഒട്ടേറെ എ.ടി.എം. കാര്‍ഡുകളും സിം കാര്‍ഡുകളും കണ്ടെടുത്തിട്ടുണ്ട്. അതിനിടെ, ചൈനയില്‍ മെഡിക്കല്‍ വിദ്യാര്‍ഥികള്‍ക്കുവേണ്ടിയാണ് അസ്ഥികൂടങ്ങള്‍ കടത്തിയതെന്നും പോലീസിന് സൂചന ലഭിച്ചിട്ടുണ്ട്.
Post Your Comments