യുഎഇ ഭരണാധികാരി ഷേക്ക് മുഹമ്മദ് ഒരു വലിയ മനസിന് ഉടമയെന്ന് ഇത് വീണ്ടും തെളിയിക്കുന്നു

ദുബായ്  :    റ ഷ്യയില്‍ നിന്ന് വിനോദയാത്രക്ക് എത്തിയ കുടുംബത്തിന് സഹായഹസ്തമേകി യുഎഇ ഭരണാധികാരി ഹിസ് ഹെെനസ് ഷേക്ക് മുഹമ്മദ് ബിന്‍ റഷീദ് അല്‍ മക്തോം. മാതാവും രണ്ട് കുട്ടികളുമായി യുഎഇയില്‍ കുടുംബമായി വിനോദയാത്രക്കായി എത്തിയതായിരുന്നു അന്‍സ്റ്റേഷ്യ പൊപൊവ. പെട്ടെന്നാണ് മാതാവിനെ അസുഖം പിടിമുറുക്കിയത് . ഉടനെ തന്നെ മാതാവിനെ അടുത്തുളള സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാന്‍ കഴിഞ്ഞില്ല. ഹൃദയസംബന്ധിയായ അസുഖമായിരുന്നു. ആശുപത്രിയില്‍ 228,700 ഡോളറോളം ( 840,000 ദിര്‍ഹം ) ചികില്‍സാ ചിലവായി. പൊപൊവക്ക് ആ തുക കെെയ്യില്‍ ഒതുങ്ങുന്നതായിരുന്നില്ല. അവസാനം വിഷയം യുഎഇ ഹിസ് ഹെെനസിന്‍റെ ചെവിയിലും എത്തി.

പൊപൊവയെ അദ്ദേഹം കെെയയ‍ഞ്ഞ് സഹായിച്ചു. ആശുപത്രിയിലെ സകല ചിലവും വഹിച്ചത് ഷേക്കായിരുന്നു. പിന്നെ ആ റഷ്യന്‍ കുടുംബത്തെ കെെയ്യൊഴിയുന്ന നിലപാടല്ല യുഎഇ യുടെ ഹിസ് ഹെെനസായ ആ വലിയ മനസിന്‍റെ ഉടമ സ്വീകരിച്ചത്. പൊപൊവയുടെ അമ്മയുടെ മൃതശരീരം തിരികെ റഷ്യയിലേക്ക് മടക്കി അയക്കുന്നതിനുളള സകല ചിലവും അദ്ദേഹം വഹിച്ചു. അതു കൊണ്ടു തീര്‍ന്നില്ല കുടുംബത്തിന് തിരികെ സ്വന്തം നാട്ടിലേക്ക് പോകുന്നതിനുളള വിമാന ചിലവും അദ്ദേഹം നല്‍കുകയാണ് ഉണ്ടായത്.