ദില്ലി: മൂന്ന് ഇസ്ലാമിക്‌ സ്റ്റേറ്റ് ഭീകരരെ ദില്ലിയില്‍ പിടികൂടി. പിടികൂടിയ ഭീകരരില്‍ നിന്ന് നിരവധി ആയുധങ്ങളാണ് പോലീസ് കണ്ടെടുത്തത്. ഏകദേശം 250 ഓളം വരുന്ന ഭീകരര്‍ ജമ്മുകാശ്മീരിലേക്ക് നുഴഞ്ഞുകയറാന്‍ തയ്യാറായി നില്‍ക്കുന്നതായാണ് ഇന്‍റലിജന്‍സ് പറയുന്നതായി റിപ്പോര്‍ട്ടുകള്‍ . ഇതേ സമയം കാശ്മീരില്‍ ഭീകരരുമായി സൈന്യം വന്‍ ഏറ്റുമുട്ടലാണ് നടത്തുന്നത്.
ഏറ്റുമുട്ടലില്‍ സൈന്യം ഇതുവരെ ആറോളം ഭീകരരെ വധിച്ചു. ദില്ലിയിലേക്ക് ഭീകരര്‍ കടന്നിരുന്നു എന്ന് ഇതിന് മുമ്പ് മുന്നറിയിപ്പ് ഉണ്ടായിരുന്നു. ഇന്ത്യ-പാക്‌ അതിര്‍ത്തിയിലെ മൈല്‍ക്കുറ്റിയില്‍ ചാരി നില്‍ക്കുന്ന രണ്ടു പേരുടെ ചിത്രങ്ങള്‍ ഭീകരര്‍ എന്ന് സംശയിച്ച്‌ ദില്ലി പോലീസ് പുറത്ത് വിട്ടിരുന്നു. ഇവരെ എവിടെ വച്ച്‌ കണ്ടാലും പോലീസിനെ അറിയിക്കണം എന്ന ആവശ്യത്തോടെ സ്റ്റേഷനിലെ നമ്പറും ഒപ്പം നല്‍കിയിരുന്നു
Post Your Comments