അയോധ്യയിലും ഫൈസാബാദിലും നിരോധനാജ്ഞ ലംഘിച്ച് വി. എച്ച്.പി

അയോധ്യ: രാമക്ഷേത്രം നിർമ്മിക്കണം എന്നാവശ്യപ്പെട്ട് ഞായറാഴ്ച സംഘപരിവാറിന്റെ നേതൃത്വത്തിൽ ധരംസഭ നടക്കും എന്ന കാരണത്താൽ ആണ് അയോധ്യ, ഫൈ​സാ​ബാദ് എന്നിവിടങ്ങളിൽ നിരോധനാജ്ഞ പ്രഖ്യാപിച്ചിരുന്നു. ഈ പ്രഖ്യാപനം ലംഘിച്ചു കൊണ്ടാണ് വി.എച്ച്.പി റോഡ് ഷോ നടത്തിയത്. റോഡ്ഷോയിൽ പങ്കെടുത്ത പ്രവർത്തകർ രാമക്ഷേത്രം നിർമ്മിക്കണം എന്ന മുദ്രാവാക്യം മുഴക്കിയിരുന്നു. രാമജന്മ ഭൂമിയിൽ തങ്ങൾ പോകുന്നത് യുദ്ധത്തിനാണെന്ന് വി.എച്ച്.പി നേതാവ് ബോ​ലേ​ന്ദ്ര സി​ങ്​ പ​റ​ഞ്ഞു.

രണ്ടു നഗരങ്ങളിലും സുരക്ഷാ ഉറപ്പാക്കിയിട്ടുണ്ട് എന്ന് പോലീസ് പറയുന്നു. ത​ര്‍​ക്ക​സ്​​ഥ​ല​ത്ത്​ ത​ല്‍​സ്​​ഥി​തി നിലനിർത്താൻ ആണ് പോലീസിന് ലഭിച്ചിരിക്കുന്ന നിർദേശം. പ്രദേശത്ത് കൂടുതൽ പോലീസിനെ നിയോഗിക്കാൻ ആണ് നീക്കം. ദർശനത്തിന് എത്തുന്നവരെ മാത്രമേ അകത്തേക്ക് കയറ്റി വിടുകയുള്ളു.ഫൈ​സാ​ബാ​ദ്​ ഡി​വി​ഷ​ന​ല്‍ ക​മീ​ഷ​ണ​ര്‍ മ​നോ​ജ്​ മി​ശ്ര ഇക്കാര്യം വ്യക്തമാക്കി.

ബാബറി മസ്ജിദ് തകർത്തപ്പോൾ ഉണ്ടായപോലത്തെ പ്രശ്നങ്ങൾ ഉണ്ടാകുമോ എന്നാണ് വ്യാപാരികളുടെ ആശങ്ക. സംഘപരിവാറിന്റെ സമ്മേളനം ബഹിഷ്കരിക്കാൻ ആണ് ഇവരുടെ തീരുമാനം.

https://www.youtube.com/watch?v=In_kISg_IDU