മാള: ഫെയ്സ്ബുക്കിലൂടെ പരിചയപ്പെട്ട പെണ്‍കുട്ടിയുടെ മുഖം ബ്ലേഡ് കൊണ്ട് വരഞ്ഞു. സ്വകാര്യ കോളേജിലേക്ക് പോകുംവഴി മാള പള്ളിക്ക് സമീപത്തുവച്ചായിരുന്നു ആക്രമണം. സംഭവത്തില്‍ വെസ്റ്റ് കൊരട്ടി തോട്ടൂക്കര വീട്ടില്‍ സൗരവ് (19), പുളിയനം കോവാട്ട് നിധിന്‍ (18) എന്നിവരെ പോലീസ്് അറസ്റ്റ് ചെയതു.
ഫെയ്സ്ബുക്കിലൂടെ പെണ്‍കുട്ടിയെ പരിചയപ്പെട്ട സൗരവ് കുറച്ച് കാലമായി പെണ്‍കുട്ടിയെ പിന്തുടര്‍ന്ന് ശല്യം ചെയ്യുകയും പ്രണയാഭ്യര്‍ത്ഥന നടത്തുകയും ചെയ്തിരുന്നു. എന്നാല്‍ ഇത് പെണ്‍കുട്ടി നിരസിച്ചിരുനന്നു. ഇതില്‍ പ്രകോപിതനായ സൗരവ് ബസ് സ്റ്റാന്‍ഡ് പരിസരത്തുവെച്ച് പെണ്‍കുട്ടിയെ തടഞ്ഞു നിര്‍ത്തുകയായിരുന്നു.
എന്നാല്‍ പെണ്‍കുട്ടി അവിടുന്ന് രക്ഷപെടുകയും പിന്‍തുടര്‍ന്നെത്തിയ ഇവര്‍ പള്ളിക്ക് സമീപം വിജനമായ സ്ഥലത്തുവെച്ച് ആക്രമിക്കുകയായിരുന്നു. സൗരവ് ആണ് ബ്ലേഡുകൊണ്ട് മുഖത്ത് വരഞ്ഞത്. നിധിന്‍ ആണ് ബൈക്ക് ഓടിച്ചിരുന്നതെന്ന് പൊലീസ് പറഞ്ഞു. മുഖത്ത് ആഴത്തില്‍ പരിക്കേറ്റ പെണ്‍കുട്ടി തൃശ്ശൂരിലെ സ്വകാര്യ ആശുപത്രിയില്‍ ചികിത്സയിലാണ്.
Post Your Comments