കൊച്ചി: പ്രമുഖ കോണ്‍ഗ്രസ് നേതാവും കെപിസിസി വര്‍ക്കിംഗ് പ്രസിഡന്റുമായ എം.ഐ. ഷാനവാസ് എംപി (67) ഇനി ഓര്‍മ. ആയിരങ്ങളുടെ സാന്നിധ്യത്തിലാണ് അദ്ദേഹത്തിന്റെ കബറടക്കം നടന്നത്. എറണാകുളം നോര്‍ത്ത് എസ്ആര്‍എം റോഡിലുള്ള തോട്ടത്തുംപടി പള്ളിയിലായിരുന്നു കബറിസ്ഥാനിലായിരുന്നു അടക്കം.
തങ്ങളുടെ നേതാവിനെ അവസാനമായി ഒരു നോക്കുകാണാന്‍ നേതാക്കളും പ്രവര്‍ത്തകരും അടക്കമുള്ള വന്‍ ജനാവലിയാണ് എറണാകുളം നോര്‍ത്ത് ആനി തയ്യില്‍ റോഡിലെ നൂര്‍ജഹാന്‍ മന്‍സിലിലെ വസതിയില്‍ എത്തിയത്. ടൗണ്‍ഹാളിലും മൃതദേഹം പൊതുദര്‍ശനത്തിനു വച്ചിരുന്നു. വ്യാഴാഴ്ച രാവിലെ പത്തോടെ വീട്ടിലും തുടര്‍ന്നു പള്ളിയിലും നടന്ന ചടങ്ങുകള്‍ക്കുശേഷമായിരുന്നു കബറടക്കം.
Post Your Comments