വൈത്തിരി: വിദ്യാര്‍ഥിനിയെ ആത്മഹത്യ ചെയ്ത നിലയില്‍ കണ്ടെത്തി. പഴയവൈത്തിരി തങ്ങള്‍ക്കുന്ന് കോളനിയില്‍ മാധവന്റെ മകളും പുല്‍പള്ളി കോളേജിലെ ടി.ടി.സി വിദ്യാര്‍ഥിനിയുമായ മാതുവിനെ(22) വീടിനുള്ളില്‍ തൂങ്ങിമരിച്ച നിലയിലാണ് കണ്ടത്. ഹോസ്റ്റലില്‍ നിന്നെത്തി തിങ്കളാഴ്ച വൈകിട്ടോടെയാണ് ആത്മഹത്യ ചെയ്തത്. തുളസിയാണ് അമ്മ. സഹോദരങ്ങള്‍: നീതു, മിഥുന്‍. വൈത്തിരി പൊലീസ് ഇന്‍ക്വസ്റ്റ് നടത്തി. മൃതദേഹം കോഴിക്കോട് മെഡിക്കല്‍ കോളജില്‍ പോസ്റ്റുമോര്‍ട്ടം ചെയ്തു.
മകളുടെ മരണത്തിന് ഉത്തരവാദിയായവര്‍ക്കെതിരെ നടപടിയെടുക്കണമെന്നാവശ്യപ്പെട്ട് മാധവന്‍ പൊലീസില്‍ പരാതി നല്‍കി. കോഴിക്കോട് സ്വദേശിയായ ഒരാള്‍ നിരന്തരം ശല്യപ്പെടുത്തിയിരുന്നതായി പരാതിയില്‍ പറയുന്നു.
Post Your Comments